Vélbyssu Kelly handtekinn í kringlunni
Rapparinn Vélbyssu Kelly frá Cleveland var handtekinn um helgina í South Park kringlunni Strongsville, Ohio, eftir að hafa skipulagt skyndimúg aðdáenda með aðstoð samfélagsvefja.
Carlson Baker öðlaðist viðurnefnið Machine Gun Kelly vegna leikni sinnar við að rappa hratt. Hann útskrifaðist úr gaggó 2008 og fræðgarsól hans reis á landsvísu árið eftir þegar hann fór hringinn um miðvesturríkin. Helsta slagorð hans er “Reimaðu helvítis skóna.”
Fyrr í vikunni hafði MGK notað samfélagsvefi til að mæla sér mót við aðdáendur, mest ungt hvítt fólk, í kringlunni.
Þó uppákoman væri friðsamleg, kappinn fór úr að ofan og stóð uppi á borði á stjörnutorgi kringlunnar til að taka nokkur dansspor og baða sig í aðdáun múgsins, þá ákváðu öryggisverðir að láta handtaka Vélbyssu Kelly vegna þess að þeir höfðu áhyggjur af öryggi hans, eða kannski bara að múgurinn gerðist ofbeldisfullur og færi ránshendi um iPod búllur kringlunnar.
Tengt:
Skrækjandi stelpur hræða kringlugesti
Ungt partífólk breyttist í mótmælamúg
Lyklar:flash mobs
