Undirbúa gasklefann Jörð

Nú er það svart hjá Alexi Jóns, elítan er að leggja lokahönd á útrýmingu almúgans með því að gasa jörðina með eitri eða pestum.  Á meðan þessar hamfarir ganga yfir, þá ætlar elítan að dvelja í neðanjarðarbyrgjum, en koma svo upp á yfirborðið, guðir í nýjum heimi. 

Af hverju hefur þetta ekki þegar gerst, spyrja sumir.  Jú, elítan vill ganga vel frá öllum þráðum, þannig að þegar hún kemur aftur upp á yfirborðið, þá hafi illgresið ekki lifað af (við erum illgresið, þeir eru hinir ‘góðgenjuðu’).  Ef hluti okkar lifir af, þá væru það okkar sterkustu og bestu sprotar, stórhættulegt lágstéttalið sem gæti verið mun gáfaðri og úthaldsbetri en innræktuð elítan.  Þess vegna eru þeir að veikja okkur með bólusetningum og erfðabreyttu ógeðisfæði, forheimskandi flúor og lélegri menntun.

Skemmtilegar pælingar hjá Alexi, og hvort sem þær eru nákvæmlega réttar eða ekki, þá brýna þær fyrir okkur þá þörf sem er á venjulegu, óelítufólki sem fórnar sér til starfa í stjórnkerfinu og stjórnmálum.  Við verðum að taka stjórnina af “sérfræðingunum” og snúa fókus þjóðfélaganna okkar að því að gera betri framtíð fyrir okkur, ekki að endalausum lögreglukerfum og fangabúðum.