Tarpley skammar grænu Malthusarbjánana

Íslandsvinurinn Webster Tarply liggur ekki á skoðunum sínum frekar en fyrri daginn.  Í nýlegri vefgrein sinni á Tarply.net og viðtali á RT NEWS skammar hann svokallaða snaróða Malthúsarverja.  En það er fólk sem trúir því að of margir búi á jörðinni og það þurfi að grisja allar dauðu greinarnir, þ.e.a.s. þig og mig.

Nýlegt lagafrumvarp Liebermann og Kerrys í bandaríska þinginu hefur verið dregið til baka.  En í frumvarpinu voru lagðar til stórfelldar skattahækkanir á eldsneyti.  Sem hefði þýtt gríðarlegan samdrátt í viðbót hjá bandarískum heimilum og fyrirtækjum.

En Tarpley heldur að þetta sé bara tímbundin frysting og það verði aftur reynt að keyra frumvarpið í gegnum þingið nú í haust.  Þegar hægt verður að stóla á atkvæði 40 Demókrata sem ekki eiga möguleika á endurkjöri en vilja kósi innivinnu hjá Obama.

Á meðan var haldin 24 landa ráðstefna orkumálaráðherra í Washington.  Þar kom fram að reisa þyrfti 500 ný orkuver ef einhver framþróun ætti að eiga sér stað í þróunarlöndunum.  En þar sem þetta voru helstu Malthúsarrugludallar samtímans samankomnir var ákveðið að ekkert yrði byggt.  Best væri að mála húsþök hvít til að spara rafmagn og treysta á vindmillur.

Tarpley getur sér síðan til um að yfirvofandi innrás í Íran sé kannski bara fín leið til að hækka olíverð og bendir á að árið 1973 hafi Bilderberráðstefnan í Saltsjobaden spáð 400% hækkun sem hafi ræst nokkrum mánuðum síðar.