Mynd CC Eneas

Við höfum áður sagt frá því hvernig brjálaðir vísindamenn hafa dundað sér við að búa til óskapnaðinn geitarköngulór, en nú hitnar í kolunum með tilraunum með kímruna manna og köngulóa.

Hollenska listakonan Jalila Essaïdi fékk innblástur úr fregnum af geitarköngulóm og þeim mikla styrk sem köngulóavefur hefur miðað við þyngd.  Hún hafði kynnt sér hugmyndir um að nýta geitarköngulær til að framleiða köngulóasilki sem nota má í brynjur sem eru mun léttari eða sterkari heldur en sambærilegar kevlar brynjur, en hún hugsaði, hvers vegna ekki að fara alla leið, og skapa skothelt skinn fyrir menn?

Það er nú í lagi fyrir listamenn að hugsa svona, án þess að hugsa út í þá afskræmingu á tegund okkar sem um er að ræða, að hugsa um að skapa nýjan mann sem er að hluta til skordýr…

En vísindamönnum finnst þetta greinilega svakalega flott hugmynd og því er listaverkefni Júllu orðið að alvöru vísindaverkefni, sem hugsanlega mun færa okkur nýja tegund af her og lögreglumönnum, þeir verða skotheldir og hugsanlega með svipaða siðferðis og samúðareiginleika og skordýr.

Sem er kostur fyrir elítuna.

Chupacabra, mynd CC Shalom

Þegar Prince George spítalinn varð reyklaus, þá streymdi starfsfókið út í nærliggjandi skóg til að fá sér smók.  Þá varð það vart við furðulega skepnu sem enginn gat nefnt.

Joe Livermore röntgentæknir segir dýrið einhverja blöndu af keingúru, hundi og rottu.  Auk þess finnst sumum að hausinn sé eins og á dádýri.  Rófan er rottuleg. 

Í upphafi tóku starfsmenn myndir af dýrinu á farsíma sína, en svo var sett upp gildra með afgangi úr hádegismatnum sem beitu, kjúkling og afgang af kínamat.

Þau nefndu dýrið Prins Chupa, eftir goðsagnakenndu dýri sem kallast Chupacabra. 

“Ég vissi ekki hvað við ættum að gera við hann,” sagði Livermore, “Ég veit ekki hvað þetta var. Fólk sagði það vera ref, dádýr, hund.”

Svo sleppti hann bara goðsagnadýrinu.

Fréttastofan veit heldur ekki hvað þetta var.

Fyrir stuttu greindi Kryppan frá misheppnuðum tilraunum andófsmanna til að taka út einkaleyfi á óskapnaðinum simpmanni, en hvernig ætli báknverjum gangi með svipaðar beiðnir?

Andófs aðgerðasinnarnir Stuart Newman og Jeremy Rifkin óttast að tilraunir með samblöndur lífvera leiti yfir í stærri og þróaðri dýr.  Þeir gerðu frumlegt áhlaup með forvirkum hætti á að hinn týndi hlekkur manna og apa yrði ræktaður.  Þeir sóttu nefnilega um einkaleyfi á hugmyndinni að mannapa (humanzee), veru sem er hálf mennsk og hálfur simpasi, og ætluðu þar með að “sitja á því,” og koma þannig í veg fyrir slíkan óskapnað.

Einkaleyfastofan hafnaði þó umsókn þeirra á þeim grunni að “uppfinningin” væri of mennsk og skaraðist á við þeirra túlkun á stjórnarskránni – þeir telja að einkaleyfi á fólki jafngilda þrælahaldi.

Þarna breytti einkaleyfastofan á eðlilegan hátt.  En fyrir “tilviljun” og “slysni,” þá veita þessar sömu skriffinnastofur réttu aðilunum sambærileg einkaleyfi, og ekki bara eitt og eitt.

Meira en 10.000 einkaleyfi á genum úr genamengi manna hafa verið veitt.  Það er því sem næst þriðjungur af öllu genamenginu.  Það er svo bara túlkunaratriði hve langt þetta einkaleyfi nær.  Takmarkast það við þróun á lyfjum eða prófunum sem nýta sér upplýsingar um ástand þessara gena í sjúklingum, eða eiga þessir auðhringir meiri rétt til að vernda “hugverk” sín?

Hvert er notendaleyfi okkar á erfðaefninu sem við fæddumst með?  Megum við afrita það og blanda með erfðaefni maka okkar?  Eða þurfum við að sækja um stimpil frá eigendum teikningarinnar að mannkyninu?  Sem eru nú auðhringirnir.

Í dag virðist svarið augljóst.  En hver verður staðan eftir 25 ára þróun í þá átt að erfðaefni okkar sé einhvers konar söluvara?  Þegar heimurinn hefur verið samræmdur undir “alþjóðalögum” þannig að engin ríki geti skákað í skjóli þess að einkaleyfin gildi ekki hjá þeim. 

Verða þessi einkaleyfi dottin úr gildi eftir nokkur ár?  Hugsanlega.  En hugsanlega ekki.  Reglan er að lagaumhverfið lagar sig að valdinu og peningunum.  Ekki þörfum einstaklingsins eða rétti hans.  Höfundarréttur að Mikka mús ætti að vera löngu fallinn úr gildi og þetta nagdýr siðferðisins komið í almannaeign (public domain).  En Mikki mús er enn dýrmætt ”hugverk” sem er varið með lögum og her lagatækna.

Höfundarréttur er ef til vill ekki sama dýrið og einkaleyfi í líftækniiðnaði, en iðinn lögtækniher auðhringjanna hefur einnig fundið leiðir til að framlengja einkaleyfum á lyfjum.  Ekki er ástæða til að ætla annað en einkaleyfi á mannslífinu þyki nógu bitastætt til að beita þessum siðlausa tækniher til að franlengja þau einkaleyfi.

Hér er eins og hálfs árs gamall þáttur af 60 mínútum þar sem fjallað er um einkaleyfi á einstaka genum mannsins og hvernig fyrirtækið Myriad hefur einkaleyfi á því að skoða hvort konur hafi ákveðið gen sem eykur hættu á krabbameinum í brjóstum og eggjastokkum.  Fyrirtækið heimtar 3.200 dollara þóknun fyrir að gera þetta próf og hefur einokunaraðstöðu til að framkvæma það.  Almennt genapróf á genum sem ekki eru “eign” einhverra fyrirtækja er hægt að panta fyrir minna en 300 dollara.

Þátturinn endar á því að róa áhorfendur (CBS er báknmiðill) og konurnar sem rætt er við fá prófin sín á útsölu, auk þess sem svo virðist sem mannréttindasamtök séu rétt að sigra lögfræðifenið og hrinda þessum súru lögum.

Raunveruleikinn er hinsvegar ljós í dag, með frétt af sigri Myriad í hæstarétti, þar sem rétturinn staðfestir að fyrirtæki megi taka út einkaleyfi á erfðaefni, en til málamynda er þeim bannað að hindra önnur fyrirtæki að bera saman genarunur sem kunna að innihalda gen sem einhverjir aðrir eiga.  Það þýðir þá væntanlega að rannsóknarstofur geta keyrt greininguna, en mega ekki segja sjúklingnum frá ástandi einkaleyfisskyldra gena. 

Þannig að þegar réttu aðilarnir sækja um einkaleyfi á hluta af manninum og þeim ferlum sem notuð eru til að skapa líf, þá er það veitt, en þegar aðgerðarsinnar sækja um svipað til að koma í veg fyrir óskapnað, þá er gripið til málflutnings um þrælahald og beiðninni hafnað.

http://www.patentbaristas.com/archives/2011/08/02/if-patents-annoy-you-then-you-must-have-standing/

Mynd CC acbo

Kína er framarlega í tilraunum í erfðafræði og nýlega bárust fréttir af 300 kúa hjörð sem er erfðabreytt til að framleiða brjóstamjólk.

Í Kína eru siðferðisspurningarnar einfaldari og ríkið jákvætt gagnvart frumlegum hugmyndum, sérstaklega ef þær geta gefið fjárhagslegan eða pólitískan ávinning fyrir ríkið. 

Kínversku bændunum þykir þetta svakaflott og skála í brjóstamjólk, sem þeir segja bæði bragðmeiri og sætari en gamaldags kúamjólk.  Í frétt Sky News af þessu er látið eins og góðir eiginleikar brjóstamjólkur flytjist óbreyttir yfir í þennan samansaumaða óskapnað manna og dýra og engar neikvæðar afleiðingar séu mögulegar, bara “siðferðislegar spurningar” sem ekki vega eins þungt í Kína og á vesturlöndum.

Ónafngreindur vísindaprestur frá Kína segir siðferðisáhyggjur vesturlandabúa á villigötum.  “Það eru einn og hálfur milljarður manna í heiminum sem ekki fær nóg að borða.  Það er skylda okkar að þróa vísindi og tækni, en ekki hamla.  Við verðum fyrst að brauðfæða fólk, áður en hugsjónir og sannfæring eru viðraðar.”

Það er svo sem gott og gilt, en auðvitað algerlega út í kú.  Við hendum meira af mat heldur en þarf til að brauðfæða þessa svöngu meðbræður.  Alþjóðlegir auðhringir eyðileggja uppskeru eða koma í veg fyrir framleiðslu á meira en þarf til að brauðfæða þetta fólk.  Það skiptir engu máli þó nýtt frankenfæði komi á markað, þetta fólk er ekki aflögufært til að kaupa einkaleyfisvarin matvæli frekar en urðuð lambakjötsfjöll eða smjörfjöll.

Þannig að tilfinningaþrunginn siðgæðislestur breska þularins á Sky áróðursstöðinni er algerlega á villigötum og ekki gagnrýnir stöðin framsetningu þessa kínverska sérfræðings í siðgæði, heldur endar stöðin á því að sá fræi öfundar hjá okkur, við eigum að öfunda Kína af “frelsi” þeirra frá siðferðislegum spurningum.

“Kína þrýstir á jaðar rannsókna á erfðabreyttum lífverum án sjáanlegra tafa af völdum siðferðisspurninga.”

http://www.businessinsider.com/china-genetically-modifies-cows-to-produce-human-breast-milk-2011-6

Mynd CC Mikael Colville-Andersen

Þvert á söng báknmiðlanna um offjölgun og ágang mannkyns á jörðina, þá gæti mannkynið orðið í útrýmingarhættu innan fárra kynslóða.

Ófrjósemi viðrist vera ein af hliðarverkunum þess að borða erfðabreyttar lífverur.  Það hefur komið í ljós bæði óvart og í rannsóknum sem sérstaklega athuga þann þátt. 

Í Kryppugrein frá 2010 segir:

Ef vísindamenn frá Mars myndu rannsaka tímgunarkerfi karlmanna, þá myndu þeir sennilega komast að þeirri niðurstöðu að mannkyn muni deyja út, og það fljótlega.  Í samanburði við önnur spendýr þá framleiðum við tiltölulega fáar nothæfar sáðfrumur, sáðfrumur sem geta synt nógu langt og svo frjóvgað egg.

Allt að einn af hverjum fimm hraustum, ungum mönnum á aldrinum 18-25 framleiða afbrigðilega fáar sáðfrumur.  Það sæði sem þeir framleiða er oft af lágum gæðum.  Raunar eru aðeins 5-15 prósent af sáðfrumum þeirra að jafnaði nógu góðar til að teljast “eðlilegar” samkvæmt stöðlum WHO, og þetta eru samt ungir og heilsuhraustir karlmenn.  Í samanburði eru 90 prósent af sáðfrumum nauta eða jafnvel rotta eðlilegar. 

Í annari grein frá í fyrra er talað um hvernig dýr sem fóðruð voru á erfðabreyttum maís og erfðabreyttu soja urðu nánast algerlega ófrjó eftir þrjár kynslóðir:

Eftir að hafa fóðrað þrjár kynslóðir hamstra í tvö ár á soyjafæði, þá voru niðurstöðurnar hrikalegar þegar litið er til þeirra sem voru á erfðabreyttu soyjafóðri, sérstaklega þann hóp sem fékk mest af erfðabreytta fóðrinu.  Í þriðju kynslóð voru flestir soyjafóðraðir hamstrar orðnir ófjrjóir.  Þeir uxu hægt og dánartíðni unga var há.

Þessar upplýsingar eru allar aðgengilegar og engin leyndarmál eða samsæriskenningar.  Það eru bara “tilviljanir” sem valda því að báknfjölmiðlar hafa engan áhuga á að fjalla um þessa vá, né virðast “grænu” skriffinnastofnanirnar hjá Sameinuðu þjóðunum og víðar hafa verulegar áhyggjur af yfirvorfandi hruni á stofni mannkynsins.  Þvert á móti er verið að fjarlægja allar hömlur af framleiðslu erfðabreyttra matjurta og allskyns óguðlegra tilrauna með samblöndun á mismunandi tegundum með aðstoð erfðatækninnar.

Tengt:

Erfðabreytt: Eitur, ófrjósemi og dauði

Úbbs: Erfðabreytt soya veldur ófrjósemi

Mannkyn í útrýmingarhættu vegna lélegs sæðis

Eftirlitsmyndavélar við leiðsagnarsteina

‘Kímrunar’ (Chimeras) nefnist það þegar lífvera samanstendur úr vefjum mismunandi tegunda.  Fyrir daga erfðatækninnar hélt vantrúarfólk að þessar verur væru afsprengi ímyndunaraflsins og ýkjusaga.  En nú á tímum eru þessar verur aftur að birtast á jörðinni.

Í frétt frá árinu 2005 segir frá hóp sauðfjár í Bandaríkjunum sem samanstendur af um 50 gripum sem hafa lifrar, hjörtu, heila og önnur líffæri sem eru að hluta með erfðaefni manna, eftir að stofnfrumum úr mönnum var sprautað í þau meðan þau voru enn á fósturstigi.

Hlutfall mennskra fruma í líffærum kindanna er um 10% að jafnaði, en í sumum tilfellum allt að 40%.

Mýs hafa verið ræktaðar með heilavef sem er nánast algerlega skipaður mennskum heilafrumum, en vísindavíkingum finnst ólíklegt að mennsk vitund myndist hjá þessum dýrum, þó þær búi yfir nokkrum klump af mennskum heilavef.

“Við höfum ekki séð þær haga sér öðruvísi en kindur,” sagði Esmail Zanjani stofnfrumuvíkingur hjá háskólanum í Nevada-Reno, sem vonast til þess að einhvern daginn takist honum að breyta þessum kímrunum í gróðavænlega framleiðslu á mennskum líffærum.

Andófs aðgerðasinnarnir Stuart Newman og Jeremy Rifkin óttast að þessar tilraunir sæki yfir í stærri og þróaðri dýr.  Þeir gerðu frumlegt áhlaup með forvirkum hætti á að hinn týndi hlekkur manna og apa yrði ræktaður.  Þeir sóttu nefnilega um einkaleyfi á hugmyndinni að mannapa (humanzee), veru sem er hálf mennsk og hálfur simpasi.

Einkaleyfastofan hafnaði þó umsókn þeirra á þeim grunni að “uppfinningin” væri of mennsk og skaraðist á við þeirra túlkun á stjórnarskránni – þeir telja að einkaleyfi á fólki jafngilda þrælahaldi.

http://www.msnbc.msn.com/id/7681252/ns/health-cloning_and_stem_cells/t/scientists-create-animals-are-part-human/