http://youtu.be/Lni6OAJz3sk

Jónas Kristjánsson skrifar:

Mín tilfinning er, að stefnubreyting gegn erfðabreyttri vöru hafi orðið í samfélaginu í haust. Fólk vill ekki bara, að erfðabreytt matvæli séu merkt. Það vill líka geta rakið, hvort erfðabreytt fóður sé að baki lambakjöti og annarri búvöru. Gegn þessari þróun hafa barist fræðimenn, sem hafa hagsmuna að gæta, einkum á vegum ORF Líftækni. Þeir hafa orðið að lúta í lægra haldi í umræðunni. Slæmar fréttir berast sífellt að utan, einkum um Monsanto, sem orðinn er hataðasti bófaflokkur heims. Mín tilfinning er, að tíðari fréttir muni berast hingað næstu misserin. Bann við erfðabreyttu verði kosningamál.

RÚV og uppáhalds viðmælandi stofnunarinnar þegar kemur að öryggi erfðabreyttra matvæla, Eiríkur Steingrímsson prófessor, bregðast við vísindagrein og rannsókn sem sýnir skaðsemi erfðabreytts maís og Roundup arfaeyðis af mikilli hörku.

Prófessorinn véfengir tölfræðilegar aðferðir rannsóknarinnar og ræðst á starfsheiður franska vísindamannsins Gilles-Eric Seralini, en horfir framhjá því að hvað sem öllum tölfræðiaðferðum líður, þá var heilsufar þeirra tilraunadýra sem borðuðu erfðabreyttan maís, eða drukku vatn með örlítilli Roundup mengun, mun verra en samanburðarhópsins.

RÚV virðist telja það skyldu sína að sannfæra íslenska neytendur um skaðleysi erfðabreytts jukks, þó óljóst sé hvaða hagsmunir séu þar í húfi, nema þá hagsmunir Orf líftækni sem hefur tekist vel að vinna í stemmningsdeildum ráðuneyta og fjölmiðla, þannig að allt þjóðfélagið virðist haldið erfðalosta á háu stigi, vilja helst ekkert annað borða og gera heldur en að borða frankenfood og breyta genamengjum þannig að helst minnir á goðsagnaverurnar Kímerur, sem voru frankenstein bútasaumur ýmissa tegunda.

RÚV er þarna að berjast við vindmyllur.  Jónas Kristjánsson blaðafaðir negldi raunverulegu stemmninguna í nýlegum pistli sínum:

Mín tilfinning er, að stefnubreyting gegn erfðabreyttri vöru hafi orðið í samfélaginu í haust. Fólk vill ekki bara, að erfðabreytt matvæli séu merkt. Það vill líka geta rakið, hvort erfðabreytt fóður sé að baki lambakjöti og annarri búvöru. Gegn þessari þróun hafa barist fræðimenn, sem hafa hagsmuna að gæta, einkum á vegum ORF Líftækni. Þeir hafa orðið að lúta í lægra haldi í umræðunni. Slæmar fréttir berast sífellt að utan, einkum um Monsanto, sem orðinn er hataðasti bófaflokkur heims. Mín tilfinning er, að tíðari fréttir muni berast hingað næstu misserin. Bann við erfðabreyttu verði kosningamál.

Á feisbúk má lesa raddir hins þaggaða meirihluta sem ekki fá að heyrast á RÚV.  Þar kemur meðal annars fram að franska rannsóknin var fjármögnuð af verslunarkeðjum þar í landi, sem vildu vera vissar um öryggi erfðabreyttra matvara vegna þess að þær óttuðust lögsóknir frá viðskiptavinum.  Þar kemur einnig fram það sem upplýstum lesendum er alveg ljóst, að allar þær rannsóknir sem eiga að “sanna” öryggi erfðabreyttra matvæla eru fjármagnaðar af líftæknifyrirtækjunum sjálfum og að þær hafa aldrei kannað áhrif fóðursins á tilraunadýr lengur en í 90 daga.

Blaðamaðurinn Hervé Kempf í Le Monde spyr svo:

„Hafa opinberar rannsóknarstofur svo lítið fé og svo fáa vísindamenn að þær þurfa að sækja niðurstöður úr rannsóknum úr smiðjum Monsanto, Syngenta og Pioneer sem leggja bann við birtingu rannsóknargagna þar sem þau séu „iðnaðarleyndamál“? Að spyrja jafngildir það að draga fram í dagsljósið aðgerðaleysi stjórnmálamanna og vísindasamfélagsins, sem útskýrist þegar maður skoðar hvernig það síðarnefnda hefur verið á villigötum undanfarin 30 ár. Vísindarannsóknir voru áður fyrr fjármagnaðar með opinberu fé og fengu rýmra rannsóknarfrelsi og -sjálfstæði. Nú eru þær í meira mæli fjármagnaðar eða pantaðar af fyrirtækjum sem hafa takmarkaðan áhuga á grunnrannsóknum og kæra sig ekki um að vita um afleiðingar nýtækni sem þau vilja setja á markað. Vísindin eru ekki lengur sjálfstæð og það er mest áberandi í tilfelli erfðabreyttra lífvera í landbúnaðinum. Með því að bera málið á torg, sendir Séralini boltann til borgaranna. Á bak við deilur vísindamanna um það hvort afurð eða tækni sé skaðleg, er drama sem á heima í leikritum Shakespeare: Tengslin á milli peningavaldsins og sannleikans.“

Um rannsóknir á erfðabreyttum matvælum, gagnrýni og neytendur

Evil hf

Nú ætti flest upplýst fólk að hafa áttað sig á því að Monsanto er almennt talið versta (í skilningnum illska) fyrirtækið á jarðkringlunni, segir Mike Adams í inngangi að grein sinni “Illska Monsantó útskýrð: slæm tækni, endalaus græðgi og útrýming mannkynsins.”

En hvað gerir Monsanto verra en lyfjafyrirtækin, fyrirtæki sem framleiða skordýraeitur eða jafnvel vopnaframleiðendur, spyr Mike og horfir í þetta sinn fram hjá því að Monsanto er auk þess að vera fyrirtæki í matvælaiðnaðinum einnig eiturefnaframleiðandi og efnavopnaframleiðandi.

Svarið finnst með því að skoða dyggðir fyrirtækisins.  Við erum flest gott fólk og gerum þau mistök að ætla fyrirtækjum ákveðnar dyggðir, að þau hagi sér gróflega innan þess ramma sem getur talist lágmarkssiðgæði, svo sem að virða líf og heilsu fólks, nota heiðvirðar viðskiptaaðferðir og góð vísindi.  Í einfeldningshætti okkar föllum við í þá gildru að telja stórfyrirtæki haga sér eins og sæmilega gott fólk.

En þau gera það ekki.  Þau fórna öllu fyrir meiri gróða, þau brjóta jafnvel einföldustu sæmdarreglur og svíkja viðskiptavini sína og mannkyn allt.  Þau eyða lífi.  Þau svívirða móður náttúru og með því ógna þau möguleikum okkar í framtíðinni til að lifa af á jörðinni.

Lesið afganginn af grein Mike Adams, en hún er skrifuð í framhaldi af sjokkerandi niðurstöðum úr langtímarannsóknum á áhrifum erfðabreytts maís og Roundup arfaeyðinum frá Monsanto á rottur, en myndin hér að ofan sýnir einmitt risastór æxli sem fóru að vaxa á þessum kvikindum upp úr þeim tíma sem fyrri rannsóknir, gerðar af hagsmunaaðilum, á “öryggi” erfðabreytts fóðurs létu gott heita (eftir þrjá mánuði).

The evil of Monsanto and GMOs explained: Bad technology, endless greed and the destruction of humanity

Aldrei áður rannsakað

Fyrsta rannsóknin sem kannar áhrif erfðabreytts maís og Roundup arfaeyðisins frá Monsanto á rottur yfir allan líftíma þeirra er nýkomin út og niðurstöðurnar eru sláandi.

Fyrri rannsóknir sem gerðar voru með blessun Monsanto miðuðust við 3 mánuði, en fyrirtækið leyfði ekki notkun á einkaleyfisvörðum vörum sínum til rannsókna nema með sérstökum undanþágum og þá fylgdi ‘non-disclosure’ samningar með, þannig að óheppilegum niðurstöðum mátti auðveldlega stinga undir stól.

Þessi rannsókn fylgdist með rottunum í tvö ár og sýnir að rottur á erfðabreyttu maísfóðri eða Roundup menguðu drykkjarvatni dóu fyrr og tíðni risastórra krabbameinsæxla ásamt líffærabilunum rauk upp.

Úr 20% í 70%

Þessar vörur efnavopnaframleiðandans Monsanto virðist vera kvenfólki (kvenrottum) mun hættulegri en karlrottum, en tíðni ótímabærra dauðsfalla rauk upp úr 20% hjá viðmiðunarhópi yfir í 70% hjá þeim óheppnu rottum sem komust í tæri við vörur Monsanto, en hjá karlrottunum jókst tíðni ótímabærra dauðsfalla úr 30% yfir í 50%, sem samt er umtalsverð.

Risaæxli

Risastór æxli höfðu myndast hjá 50-80% allra kvenrotta í upphafi 24. mánaðar, æxlin voru svo stór að rotturnar áttu í erfiðleikum með að anda og melta mat.

Rottur sem komust í jafnvel minnstu snertingu við maísinn eða Roundup mengað vatn fóru að mynda æxli í brjóstavef og líffæri hófu að bila hjá þeim frá 4. mánuði í karlrottum, en 7. mánuði í kvenrottum.  Hjá samanburðarhópnum komu þessir sjúkdómar fyrst fram á 23. og 14. mánuði.

Mengun undir öryggismörkum hættuleg

Einn rottuhópurinn fékk bara örlítið Roundup mengað vatn, 50 nanógrömm á líter, sem er LANGT, LANGT innan öryggismarka fyrir glyphosate (Roundup) í vatni og matjurtum.  Þau mörk eru hjá ESB 0.1 mg/líter, 1 mg/kg í maís og 20mg/kg í öðru dýrafóðri, svo sem sojabaunum, höfrum og byggi.  Í Bandaríkjunum eru þessi mörk allt að 400mg/kg í sumu fóðri.

Þó vatn þessa rottuhóps væri aðeins örlítið mengað af Roundup, þá kom samt fram veruleg aukning í tíðni líffærabilana í lifur og nýrum, eða 250 – 550 prósent aukning.

Á Íslandi vildu menn ekki fyrir löngu eyða lúpínu á stórum skala með því að baða landið upp úr Roundup eitrinu.

Getum búist við sömu áhrifum á fólk

Erfðabreytt matvara hefur verið leyfð til manneldis á grunni þess að líftæknifyrirtækin geti sýnt sæmilega lifandi rottuhóp eftir 3ja mánaða fóðrun.  Þær rannsóknir hafa verið gerðar af fyrirtækjunum sjálfum eða stryktum hópum vísindamanna sem skrifað hafa undir non-disclosure yfirlýsingar þannig að hægt sé að henda slysalegum niðurstöðum.

Eftir þrjá mánuði eru rottur á síðari hluta gelgjuskeiðsins og í þessari nýju rannsókn kemur fram að fljótlega eftir þann tíma fara afleiðingarnar að hrynja inn.

Dr Michael Antoniou, molecular biologist at Kings College, London, and a member of the CRIIGEN scientific council, says: 

“This is the most thorough research ever published into the health effects of GM food crops and the herbicide Roundup on rats. It shows an extraordinary number of tumors developing earlier and more aggressively – particularly in female animals.  I am shocked by the extreme negative health impacts.”

“The rat has long been used as a surrogate for human toxicity. All new pharmaceutical, agricultural and household substances are, prior to their approval, tested on rats. This is as good an indicator as we can expect that the consumption of GM maize and the herbicide Roundup, impacts seriously on human health.”

Henti IMF út af vinalistanum á feisbúk

Ungverski forsætisráðherran Viktor Orban hefur meira bein í nefinu heldur en Stengrímur Joð, sem fyrir kosningar var okkar helsti baráttuþurs gegn IMF og ESB.  Daginn eftir að hafa sagt að samningaviðræður við IMF gengju samkvæmt áætlun, þá virðist þolinmæði Viktors hafa brostið og hann gaf eftirfarandi yfirlýsingu með videoskilaboði á Facebook:

Ungverjaland getur ekki samþykkt niðurskurð á eftirlaunum, niðurfellingu á skattlagningu á banka og seðlabankafærslum, niðurskurð í opinbera geiranum og aðra afarkosti sem settir eru sem skilyrði fyrir láni IMF.  Takið eftir því að IMF vill fella niður skatta á banka og seðlabanka, þó þeir vilji niðurskurð og skatta á almenning.

Skilyrði IMF eru öll gegn ungverskum hagsmunum, sagði forætisráðherran og “unfriendaði” IMF á feisbúknum.

Það var svo í fyrra, 2011, sem Ungverjar bönnuðu erfðabreytt útsæði frá Monsanto og létu brenna akra þar sem sáð hafði verið erfðabreyttu útsæði.

Eiturfyrirtækin beita bandarískum stjórnvöldum fyrir sig til að þrýsta á Ungverja, og ekki eru þeir vinsælir hjá trojkunni (troika - sovéska þríeykið sem kúgar Grikki: IMF, European Commission og Seðlabanki Evrópu ECB).

Athyglisverð grein á jaðarmiðlinum The Automatic Earth.

Hungary Throws Out Monsanto AND The IMF

Kalifornía gæti orðið fyrsta ríkið í Bandaríkjunum þar sem reglur um merkingar á erfðabreyttu hráefni í matvælum yrðu settar.  En erfðatækni og eiturefnaframleiðandinn Monsanto og önnur stórfyrirtæki í landbúnaðariðnaðinum (ekki bændur) reyna það sem þau geta til að setja þessi áform út af sporinu með því að leggja milljónir dollara til verkefna sem gætu spornað við merkingum.

Monsanto gusaði nýlega 4,2 milljónum dollara (sirka 500 milljónir íslenskar) út í þennan slappa málstað, Dupont sullað 1,2 milljónum dollara í sukkið, Dow Agrosciences, Pepsico, Nestle, Coca-Cola, Bayer Cropscience, ConAgra, BASF, Kellogg’s Company, Hershey’s, Hormel og mörg fleiri hafa einnig lagt milljónir fram til að hindra að erfðabreytt marvæli séu merkt!

Þekkið merkin og forðist þau, það geta ekki verið neinar heiðvirðar ástæður fyrir því að fela erfðabreytt hráefni í matvælum.

Monsanto shells out $4.2 million to sabotage California GMO labeling initiative