Hindenburg fyrirboðinn fyrir hrottahruni

Aðgerðasinnapósturinn 12. ágúst 2010

Fimmtudag 12. ágúst barst sannreynt tæknilegt stöðumerki frá bandaríska hlutabréfamarkaðnum sem nefnt er “Hindenberg fyrirboðinn“.  Þessi fyrirboði er, eins og lesendur gæti grunað, fyrir markaðshruni .  En ekki er bara um ‘venjulegt’ hrun að ræða, samkvæmt Albert Edwards, greinitækni hjá Societe Generale SA, London, þá er þetta tákn fyrir “að grimmilegur samdráttur sé yfirvofandi.”

Sú athygli og mikilvægi sem þessum fyrirboða er veitt er fordæmalaus í heimi greiningardeilda, og af góðri ástæðu.

• Öll hrun á hlutabréfamarkaði New York (NYSE) hafa komið í kjölfar Hindenburg fyrirboða
• Samkvæmt sögulegri tölfræði eru líkurnar á óðasölu 41%, en líkur á meiriháttar hruni hlutabréfamarkaðar eru 24%
• Af síðustu 25 staðfestu Hindenburg fyrirboðum hafa aðeins 8% (tveir) ‘klikkað’ þannig að ekki kom að minnsta kosti vægur samdráttur í kjölfarið
• Líkurnar á meira en 5% lækkun á markaðnum eftir staðfestan Hindenburg fyrirboða eru 77%, og hún skilar sér að jafnaði innan 40 daga

Af þessum sökum óttast Wall Street hákarlarnir einmitt Hindenburg fyrirboðann einna mest af öllu.  En þegar þessi alræmdi fyrirboði kemur fram tvisvar á tveimur dögum, þá fara hlutirnir að verða virkilega skelfilegir.

Fimmtudaginn 12. ágúst var Hindenberg fyrirboði, 100% staðfestur af greiningarsérfræðingum um allan heim.  Fréttir eru til á ensku, frönsku, þýsku, ítölsku og portúgölsku sem allar kunngera fyrirboðann.  Það er óhætt að segja þetta stórmál sem fjallað er um af öllum helstu fjármálamiðlum og enginn í fjármálageiranum efast um mikilvægi fyrirboðans.

En aðeins einum degi áður, miðvikudaginn 11. ágúst, þá munaði minnstu að fyrirboðinn kæmi einnig fram.  Til að hrinda af stað fullvöxnum fyrirboða þurfa fjöldi 52 vikna hámarka og 52 vikna lágmarka í söluverði að vera stærri en 2,2% allra viðskipta dagsins.  Fullnægja þarf ýmsum öðrum skilyrðum þar að auki, en þessi regla er sú fyrsta og sú mikilvægasta.  Í hnotskurn táknar hún að reipitogið milli graðvíxlaranna og hinna sem eru bölsýnir er komið í óstöðugt ástand og mun ekki ná jafnvægi aftur.

Þann 11. ágúst fór verð á 67 ’hlutabréfaafurðum’ í 52ja vikna hámark.  Hefði þessi tala náð 69, þá hefði það nægt til að klekja út Hindenburg fyrirboða fyrir þann dag.

Aðeins munaði tveimur hlutabréfaafurðum á að fyrirboðinn kæmi fram á miðvikudag.  Fáeinir greiningasérfræðingar tóku eftir því, en ekki varð mikið um viðbrögð á þeim degi, því þessir tæknilegu vísar eru annaðhvort staðfestir, eða ekki.  En strax næsta dag var fyrirboðinn staðfestur án nokkurs vafa.

Við vorum því mjög nærri því að sjá tvo Hindenburg fyrirboða staðfesta  í röð.  Ef fyrirboði hefði einnig verið staðfestur á miðvikudag, þá værum við án vafa að upplifa fjölmiðlafár þar sem þessir tveir fyrirboðar væru blásnir upp.  En þar munaði aðeins verði á tveimur hlutabréfaafurðum.

Greinarhöfundur Aðgerðasinnapóstsins lýkur grein sinni á eftirfarandi:

Þó ég fylgi almennt þeim reglum sem notaðar eru til að greina markaði út í hörgul, þá finnst mér það hrollvekjandi að aðeins tvær hlutabréfaafurðir á NYSE geti haft slík áhrif á markaðinn í heild.  Fyrir mitt leyti, þá finnst mér fyrirboðinn 11. ágúst nógu nærri til þess að ég haldi mig fyrir utan hlutabréfamarkaðinn á næstu 40 dögum.

http://www.activistpost.com/2010/08/hindenburg-omen-indicates-stock-market.html