Herlæknir neitar að fara á vettvang

Orðum skrýddur herlæknir til 18 ára hefur verið ákærður fyrir að óhlýðnast skipunum eftir að hafa neitað að fara á vettvang í Afganistan, því hann efast um að Barack Óbama sé lögmætur forseti.

Terrence Lakin ofursti, háttsettur læknir í Bandaríkjaher sagði ferðaskipanir sínar ógildar því að foringi þjóðarinnar hafi brugðist þeirri skyldu að sýna fram á að hann sé fæddur í Bandaríkjunum, samkvæmt frétt CNN.  Lögum samkvæmt þá geta einstaklingar aðeins orðið forsetar séu þeir fæddir í landinu.

“Ég er ekki sekur af þessum ákærum og mun krefjast sýknu , því ég er sannfærður um að foringi herliðsins [forsetinn] kunni að vera ólögmætur samkvæmt stjórnarskrá Bandaríkjanna til að þjóna í æðstu stöðu þjóðarinnar,” sagði Lakin.

“Ef Óbama forseti er innfæddur borgari, þá á bandaríska þjóðin skilið að sjá sönnun þess og ef hann er það ekki, þá tel ég þessar skipanir ólögmætar,” bætti hann við.

Lakin er ekki einn um þessa skoðun á lögmæti Óbama sem forseta.  25% Bandaríkjamanna efast um að forsetinn sé fæddur Bandaríkjamaður.

http://www.personalliberty.com/news/army-doctor-refuses-deployment-doubts-obamas-birthplace-5-19921673/

Mynd CC Lance Page / t r u t h o u t; Adapted: Amanda Currier, Nathan Barry