Goðsögnin um hreina vatnið… er rétt

Þegar ég ólst upp, fyrir tíma pólitískrar rétthugsunar, þá var allt íslenskt “hreint” og allt útlent mengað bjakk.  Sérstaklega var talað um hreina íslenska vatnið og hreinleika íslenskra landbúnaðar og sjávarafurða.

Þá voru almennilegir tollamúrar og engin feimni hjá stjórnvöldum við að skýla íslenskri framleiðslu fyrir erlendri með tollum og öðrum hindrunum.  Í skólunum lærðum við 2 klst á dag um hreina loftið og hreina vatnið okkar, og hvernig útlendingar skríða um á iðnaðarruslahaugum og eru hamborgararassar, sterakjötsklumpar og astmasjúkir mengunarsjúklingar.

Í dag er minna talað um hreinleika Íslands og Íslendinga, við keppumst við að byggja verksmiðjur og að flytja inn erlent jukk undir móðurlegu eftirliti Matvælastofnunar, sem við treystum að minnsta kosti jafn vel og Fjármálaeftirlitinu á góðæristímunum.

Það er ekki þar með sagt að engin innrætingardagskrá sé í gangi, þvert á móti, hún hefur aukist til muna og nær einnig til barnaefnis í sjónvarpi og fjölmiðlum og er orðin stöðluð um öll vesturlönd.

En viti menn - gamla innrætinging er ekki svo galin, kannski ER vatnið okkar hreinna og kannski ER hreint loft einhvers virði, kannski eigum við að hindra úðun í heiðhvolið okkar og spyrna við óþarfi iðnvæðingu til að gefa erlendum auðhringjum auðlindir okkar.

Mér dettur það að minnsta kosti í hug við að lesa eftirfarandi frétt:

Margar skýrslur hafa verið gefnar út á síðustu árum sem fjalla um hættuna af mengun vatnsbóla með úrgangi efna og lyfja.  En ný rannsókn sýnir að matvæli ræktuð í Bandaríkjunum, svo sem soyjabaunir, eru að soga þessi efni í sig úr hálfmeðhöndluðu skolpvatni og öðru endurunnu vatni sem notað er við ræktun til áburðar.

US food crops absorb toxic pharmaceuticals and personal care products from treated wastewater