I gær fékk ég óvænta símhringingu. Dularfull rödd hvíslaði “Frímúrarahúsið er opið almenningi, kemur þú?” Þessu gullna tækifæri gat ég ekki sleppt. Ég læddist í útigallann og setti upp hárkolluna svo mér yrði örugglega hleypt inn. Múgur og margmenni var í húsinu. Allir glaðir og brosandi yfir því að geta borið dýrðina augum. Uppi á efstu hæð er svokallaður hátíðarsalur. Salurinn er mjór og nokkuð langur með stólum meðfram veggjunum og pípuorgeli í einu horninu. Það sem vakti samt mesta athygli af minni hálfu voru tvær nákvæmar eftirlíkingar af Sphinxinum. Sem voru staðsettar á gólfinu fyrir innan miðjuna á salnum.
Mikið er þetta nú skrítið hugsaði ég. Stóð ekki í bæklingnum sem ég fékk að reglan á Íslandi byggði á kristnum grundvelli. Jú, það er rétt. Allt mjög kristið og kristilegt. Samt eru heiðin tákn m.a. nasista krossinn upp um alla veggi og á sverðum sem voru þarna til sýnis. Það fór nefnilega ekkert á milli mála að reglubræður eru þungvopnaðir. Tilbúnir að slá hvern þann niður með sverði sem gengur gegn reglunni eða brýtur eiðstafi hennar. Jesú hvað!
Í tilefni þessarar heimsóknar er tilvalið að hlusta á nýjasta myndbandið hans Kenna West. Fíneríð er nefnilega stútfullt af frímúraramyndmáli og djöfladýrkun.
http://vigilantcitizen.com/?p=4576
Loading ...
Jesú hvað?, spyrð þú svo, afþví að frímúrarar notast við sverð í táknmáli sínu. Þannig talar fávís maður og hunsar um leið að helsta trúartákn kristinnar trúar, hvers verndari Íslenska Frímúrarareglan er, sú er kennd er við “sænsku leiðina”, notar sem sitt helsta tákn pyntingartól nokkurt sem kallast kross og sést á öllum kirkjum og víðar. Afhverju gerir kirkjan það? Að baki þess búa að sjálfsögðu fjöldamargar og hyldjúpar merkingar, sumar augljósar öllum, aðrar aðeins þeim sem leita að þeim á réttan hátt og vilja kynnast dýpri hliðum sinnar eigin trúar og komast í nánara samfélag við Jesús. Sama gildir um notkun annarra tóla sem stundum hafa verið notuð til dráps, þó þau hafi margvíslega góða merkingu líka, sem notuð eru í mannbætandi starfi, innan sem utan kirkjunnar. Ég hef sagt nóg við þig.
Svá góðr
0
Þú ert ekki svaraverður, en ég skal samt svara þér. Þetta er ekki neinn nazistakross, ekki það að nazistar hafi átt einhvern sérstakan rétt á neinum þeim táknum sem þeir stálu, swastikan er mikilvægt tákn í Hindúisma, Búddhisma og heiðni víða um heim, og var meira að segja notuð af gyðingum líka eins og hakakrossar á eldgömlum húsum bera vitni. En krossinn sem þú kallar nazistakross, og er dálítið líkur járnkrossi Þjóðverja, er eldgamalt tákn, notað af nánast öllum menningarheimum, síðan í fyrndinni, og hefur verið notaður af kirkjunni öldum saman. Flest tákn finnast líka í náttúrunni ef betur er að gáð. Sphinxinn veit enginn hvað táknar, hann er eldeldgamall, eldri en sjálft Egyptaland eins og við þekkjum það, og því allrar athygli verður, dularfullur og fagur, og mjög eðlilegt frímúrararnir, sem eru menn sem leita sannleikans, skuli heiðra hann. Annars hafa hlutirnir merkingu í augum þess sem horfir, fallegur innri maður sér fegurð hlutanna…Sverð hafa margvíslega merkingu sem hefur ekkert með ofbeldi að gera. Aðeins yfirborðslegur maður sér sverð og hugsar strax “ofbeldi”. Vitur og glöggskyggn maður horfir dýpra og sér eitthvað annað. Frímúrarar eru menn sem leita sannleikans. Þú leitar hans ekki, berð ekki virðingu fyrir honum og elskar hann ekki, og fullyrðir því mikið um hluti sem þú veist ekkert um. Vídeóið ósmekklega og lágkúrulega frá rapparanum tengist reglunni svo nákvæmlega ekki neitt. Hann er kannski að reyna að fá áhorf frá þínum líkum. Það eru annars til fjölmörg misleynileg “leynifélög” í þessum heimi, sem fást við ólík markmið. Ég hef líklega talað fyrir daufum eyrum en skil við þig með þann sannleik að flest í heiminum skilur þú hvorki né veist nein deili á, frekar en þegar þú varst barn. Það væri betra sálarheill þinni að viðurkenna það en veslast upp af hroka og blekkingum um hvað þú veist, og hvað þú veist ekki.
Svá góðr
0