Það sem við gerum á internetinu er í vaxandi mæli tengt við önnur gögn sem til eru um okkur.  Mikið af okkar daglega lífi tengist á einhvern hátt tölvum og tölvur framleiða gögn.  Öllu er safnað og munstur greind og mörg stórfyrirtæki græða peninga á því að halda möppur um okkur og einkamál okkar frá fjölmörgum uppsprettum.

Þetta segir Bruce Schneier í grein sem birtist á CNN þann 16. mars.  Bruce er tölvuöryggisfræðingur og meðal annars höfundur ýmissa dulkóðunaralgríma.

Velkomin í heim þar sem Google veit nákvæmlega hvers konar klám er þitt uppáhald.  Google veit sennilega líka meira um áhugamál þín almennt en makinn.  Símafyrirtækið þitt veit alltaf hvar þú ert.  Prívatsamtöl heyra nánast sögunni til, því samtöl eiga sér í vaxandi mæli stað með tölvupósti, smáskilaboðum og á samfélagsvefum.

Velkomin á internet þar sem engin einkamál þekkjast, og við enduðum hér án þess að lyfta fingri til varnar.

The Internet is a surveillance state

Í framtíðarmyndinni Minority Report sáum við hvernig persónumiðaðar auglýsingar gætu virkað, en þegar Tom Cruise gengur framhjá auglýsingaskjám, þá birtast þar auglýsingar sem sértaklega eru ætlaðar honum.

Þessi framtíðarsýn gæti ræst fyrr en varir.  Nánast allt er til staðar, bara eftir að tengja það.

Mappan þín

Í gömlu Sovétalþýðudraumaríkjunum héldu eftirlitsstofnanir eins og Stasí utan um “möppuna” þína.  Þar var upplýsingum um þig safnað af kostgæfni, frá opinberum heimildum (skólaganga, sjúkrasaga, sakaskrá  og svo framvegis) og svo auðvitað frá öllum uppljóstrurunum, en stór hluti austur-þýsku þjóðarinnar náði sér í aukaskilding með því að njósna um fjölskyldu, vini eða bara óvarfærið fólk úti á bar eða í búð.

Auk staðreynda var yfirlitssíða í möppunni, nokkurs konar mat á þér, það sem kallað er “sækólogíkal profile” í nýju lögguþáttunum, þar sem slíkt er gert fyrir ýmsa aðila, ekki bara fjöldamorðingja.

Google er sennilega duglegast í nútímanum við að halda sjálfvirkar “möppur” um fólk og fénað.  Fyrirtækið fylgist með leitum þínum á internetinu og áhugamálum í gegn um leitarvél, heimsóknasögu og póstumsýslukerfi sitt.  Þeir hlusta meira að segja með hljóðnemum og fylgjast með þér í gegn um myndavélar þeirra tölva eða smátækja sem hugbúnaður þeirra keyrir á.  Allt er þetta “sjálfvirkt”, í gegn um þróaðar tölvulausnir sem hlusta eftir lykilorðum eða lynkilmynstrum í myndefni, en ekkert hindrar þá í að nálgast frumgögnin ef þeir vilja gerast persónulegir.

Sérsniðnar auglýsingar

Google fjármagnar persónunjósnir sínar með því að selja auglýsingar til markhópa.  Þær eru svo markvissar af því að Google þekkir okkur svo vel.  Þessar auglýsingar birtast nú þegar meðan við notum netið, á hinum ýmsu vefsíðum, til dæmis Youtube og Facebook.

Staðsetning út frá snjallsímum, eða auðkenningu

Þá vantar bara að geta staðsett þig í raunheimum til að samskonar auglýsingar og Tom Cruise sýndi okkur í Minority Report geti orðið að veruleika.

Það frekar lítið mál nú orðið.  Eigendur i-padda og i-fóna og annarra nýrra smátækja er auðvelt að staðsetja, þau innihalda ýmsan staðsetningarbúnað, svo sem gps, auk þess sem hægt er að finna þá út frá þeim þráðlausu netpunktum sem eru í notkun af tækinu.  Ef tækið er í nálægð við auglýsingaskilti, þá er eigandinn væntanlega skammt undan.

Myndgreiningu hefur fleygt fram upp á síðkastið og heilu gagnagrunnarnir með auðkennislykkum byggðum á lífkennum hafa verið byggðir.  Ef auglýsingaskiltið er útbúið með myndavél, þá getur það jafnvel auðkennt þig nógu hratt til að birta sérhannaða auglýsingu meðan þú gengur framhjá því.

Þægilegi Stasí þjónustufulltrúinn

Þetta er allt gott og gilt meðan hreinar og ómengaðar græðgishvatir (auglýsingar) liggja á bak við þessa “þjónustu”.  En mikið virðist fólk hafa breyst á aðeins tuttugu árum eða svo, því þá voru ofsóknir ríkja gegn borgurum (nasismi, kommúnismi o.þ.h.) svo ofarlega í hugum margra, að erfitt var að fá samþykki fyrir ljósmyndum á ökuskírteinum.

Nú virðist flestum sama þó ríkið viti af staðstetningu okkar alla daga og alla tíma, með nákvæmni sem nálgast fáeina sentimetra.

New Microchip Knows Your Location To Within Centimeters

Facebook keypti hugbúnaðarfyrirtækið Instagram í gær fyrir 1 milljarð dollara, tvisvar sinnum hærra verð en fyrirtækið var metið á.

Kannski er tími brjálæðra bóla ekki alveg liðinn.  Allavega gerðu þeir það gott, Kevin Systrom og Mike Krieger, sem forrituðu ‘appið’ á 8 vikum.

Virkni forritsins felst í því að notendur smátölva (iPhone, iPad og nýlega kom útgáfa fyrir Android snjalltæki) taka myndir, appið getur svo frískað þær upp með filteringu og svo má deila myndunum á feisbook, twitter og fleiri samfélagsvefjum.

Instagram appið hafði ekkert svo sterkt viðskiptamódel.  Appið sjálft var (og er) hægt að sækja ókeypis í Apple appabúðinni, þannig að ekki var um sölutekjur að ræða.  Einhverjar auglýsingatekjur kunna að koma inn með notkun fólks á appinu, en það skýrir ekki hvers vegna Facebook álfurinn Zuckerberg, sem sjálfur á að vera undraforritari og nú með her annarra forritara í vinnu hjá sér greiðir tvisvar sinnum hærra verð fyrir að hreppa þetta app, heldur en fyrirtækið var metið á.

Það sem Instagram hafði og stóru veskin slógust um, eru 30 milljón notendur sem ekki eru endilega bundnir við einn bás, eins og Facebook, þegar kemur að því að deila efni sín á milli.

Það kann að hafa vermt undir veski Zuckermanns og einnig sú staðreynd að keppinautar í samfélagsvefjaiðnaðinum voru volgir fyrir appinu, og hafa sennilega metið það svo að það gæti beint fjölmörgum notendum yfir á nýjar brautir, framhjá Facebook.

Facebook Facebook Acquires Instagram for $1 Billion

Við sigruðum ef til vill SÓPU, og kannski PIPU, en nú skríður CISPA fram á sjónarsviðið – allar þessar illu systur hafa sama tilgang; Hamla frelsi á internetinu, ritskoða að geðþótta og ofsækja pólitíska andstæðinga báknsins.

24. mars 2012 hóf Twitter síðan “KillZimmerman” að hvetja til ofbeldis gegn George Zimmerman, foringja nágrannavörslu sem skaut og banaði Trayvon Martin, 17 ára blökkumanni, þann 26 febrúar síðastliðinn.

Fimm dögum síðar dælir síðan enn út hatri og morðhvatningum og Twitter gerir ekkert til að stöðva ósómann.

Fyrstu tístin á rásinni gáfu tóninn:

“No Justice No Peace!!!!!!!!!! #KILLZIMMERMAN #KILLZIMMERMAN #KILLZIMMERMAN”

Síðan notar svo mynd af Zimmerman með útsýni úr byssukíki teiknuðu yfir, til að auka stemmninguna.

En lætin eru ekki bundin við þessa einu Twitter síðu.  Flokkur nýsvörtu pardusanna hefur sett fé til höfuðs þessa ógæfumanns.  Fyrst 10.000 dollara (um ein milljón), en á miðvikudag var upphæðin hækkuð svakalega, upp í 1 milljón Bandaríkjadala, eða yfir hundrað milljónir íslenskra kóna.

Á feisbúk fá grúbbur með allskyns hatursnöfnum á Zimmerman að grassera án ritskoðunar sem aðgerðasinnar þurfa venjulega að þola.  Meðal þessara grúbba eru “I want George Zimmerman dead,” “Kill George Zimmerman bitch azz,” “Kill  Zimmerman” og “Kill George Zimmerman”.

Meðal nýlegra tísta frá haturssíðu Zimmermanns á Twitter, sem enn er uppi og safnar fylgismönnum á svipuðum hraða og kvörtunum frá fólki sem ofbýður hatrið er þetta hér:

All these racist motherfuckers tryin to get me deleted like I did something wrong. Bitch zimmerman killed #TRAYVON he the one wrong

http://dailycaller.com/2012/03/29/killzimmerman-twitter-advocates-violence-against-martins-killer/#ixzz1qXdiTYsW

https://twitter.com/#!/KillZimmerman

Nicolas Sarkozy Frakklandsforseti beið ekki boðanna með að nýta sér hryðjubrölt Mohammed Merahs, heldur lýsti þeirri skoðun sinni að franskir borgarar sem lesa “öfgasíður” ættu sömu meðferð skilið og þeir sem elta barnaklám.

“Hver sá sem heimsækir reglulega internetsíður sem hvetja til hryðjuverka, ofbeldis eða haturs munu verða sendir í fangelsi,” sagði Sarkósy á baráttufundi.  “Það sem getum gert gegn barnaníðingum ættum við að geta gert gegn mögulegum áhugamönnum um hryðjuverk og sama gildir um stuðningslið þeirra.”

Ef slík tillaga yrði að lögum þá jafnaðist hún fullkomlega á við bókabrennur nazista og ýmissa skáldsagna um útópíur, þar sem sérfræðingarnir hafa ákveðið að gera allar aðrar hugmyndir útlægar en sínar eigin með því að banna og brenna bækur og þekkingu.

Því hver ákveður hvað er “hatur” og hvað eru “hryðjuverk”?  Ef ég ætti að dæma, þá myndi ég segja NATÓ og stjórnvöld nútímans einhvað það versta safn hryðjuverkasella og harðbrjósta harstjóra í sögunni.

Ætli Sarkósy sé nokkuð að meina að lesendur vefsíðna RÚV, Moggans, CNN og ESB eigi að fara beina leið í steininn?

http://www.infowars.com/sarkozy-prosecute-and-imprison-readers-of-extremist-websites/

Mynd CC Ricardo Stuckert, Agencia Brasil