Undir dyggri forystu Svandísar Svavarsdóttur og svavarssamninga hennar um að Ísland axli óþyrmilega og óþarflega meiri kolefnisábyrgð heldur en til dæmis ESB og Kína, þá virðast flugfélög og væntanlega aðrir aðilar á neytendamarkaði ætla að okra á neytendum í skjóli kolefniskvóta.

Flugfélag Íslands segist þurfa að bera 20 milljóna kostnað á þessu ári vegna þessara algerlega óþörfu og andvirku grænu gjalda, auk einhverra auka milljóna sem þau vilja smyrja á í viðbót sem “kostnað”.  Þessi gjöld eru andvirk vegna þess að ef fólk velur frekar að ferðast með einkabíl, þá “losar” það meiri koltvísýring heldur en ef það flygi, en yfirlýst tylliástæða þessara gjalda er að “draga úr losun” á koltvísýringi, þó engin þörf sé á slíku, enda er koltvísýingur ekki verri lofttegund en til dæmis súrefni, lífsnauðsynleg lofttegund og eitt af fjórum frumskilyrðum lífs á jörðinni.  Fávísir rugla koltvísýringi við mengun, svo sem sótmengun eða útblástur á eitruðum lofttegundum eða losun á geislavirku kælivatni, sem er fráleitt.

Á sama tíma berast fréttir af þrýstingi á ESB um að leggja ETS (kolefnisgjalda-vegas) svikamylluna niður.  Það er þrýstihópur hagsmunaaðila, umhverfissamtaka, braskara og fleiri sem vilja leggja kerfið niður og segja það ekki ná yfirlýstum markmiðum sínum.

“The EU maintains a scheme which allows polluters and financial ‘market makers’ and speculators to move around pollution permits and cash in on windfall profits without making any significant contribution to halting runaway climate change,” it claimed.

Meira að segja braskararnir vilja leggja þetta kerfi niður, enda búnir að tapa stórfé á að sanka að sér heimildum sem engin eftirspurn er eftir og allir sem vilja geta séð að um svikamyllu er að ræða.  Búist var við meðalverði á losunartonni upp á 30 evrur, en gangverðið nú er upp á 5 evrur.

Call on EU to abolish emissions trading scheme

Nói Síríus er í fararbroddi með að merkja vörur sínar samkvæmt reglugerð um merkingar á erfðabreyttu hráefni sem tók gildi um áramótin.

Reglugerðin kveður á um að merkja skuli erfðabreytt innihaldsefni sérstaklega sé magn þeirra yfir 0.9% af heildarþyngd vöru, risastór glufa sem tryggir að framleiðendur geta selt neytendum órmerkt erfðabreytt hráefni þó í minna mæli sé.

Í merkingu Nóa-Kroppi sem keypt var fyrir páskana má sjá að varan inniheldur kornkúlur sem eru 14% af þyngd, en þar af er erfðabreyttur maís stærsta innihaldsefnið, einhversstaðar á bilinu meira en 0.9% af þyngd en minna en 14%.

Í fréttum upp á síðkastið kemur fram að innflytjendur dýrafóðurs hafa brugðist við reglugerðinni með því að merkja allt maís og soyjafóður innflutt frá Bandaríkjunum sem erfðabreytt, en það er einmitt þumalputtaregla þeirra sem vilja forðast að borða erfðabreytt.  Að auki eru oliur úr bómullarfræjum og kanóla olía frá Bandaríkjunum nánast alltaf úr erfðabreyttu hráefni.

Þó þessar fjórar tegundir erfðabreyttra jurta séu útbreyddastar, þá eru þær langt í frá þær einu sem efnavopnaframleiðandinn Monsanto og aðrir álíka vandaðir aðilar hafa sett á markað.

Því ber að fagna að Nói Síríus skuli virða þessa reglugerð og merkja vöru sína samkvæmt henni.  Margir hafa engar áhyggjur af niðurstöðum úr rannsóknum óháðra aðila, sem sýna að þriðji ættliður tilraunadýra sem fóðruð eru eingöngu á erfðabreyttu fóðri verður nánast alveg ófrjór og tíðni andvana fæðinga rýkur einnig upp ásamt fæðingargöllum og stökkbreytingum.  Þetta fólk mun hiklaust halda áfram að kaupa vel merktar vörur.

Við hin getum nú sneytt hjá þessum vörum.

Reglur um merkingar á erfðabreyttum matvælum gengu í gildi um síðustu áramót. Það er því óheimilt að selja slík matvæli án þess að það komi fram á umbúðum að þau séu erfðabreytt. Ef um er að ræða samsett matvæli verður að upplýsa um það á umbúðum ef erfðabreytt hráefni eru meira en 0,9% af vörunni.

En hefur einhver séð vörur merktar sem erfðabreyttar hér á Íslandi?  Hvernig stendur á því að það er svona erfitt að merkja þetta frankenstein iðnaðardrasl?

Það er vegna þess að neytendur vilja sneyða hjá erfðabreyttu jafn heitt og þeir vilja sneyða hjá msg, aspartami og öðrum ósóma.  Ekki allir neytendur, en svo stór hluti að hagsmunaaðilar reyna það sem þeir geta til að fela og þæfa, tefja og þrjóskast við.

Ég tel persónulega að margfallt minni áhætta sé af iðnaðarsaltinu heldur en erðabreyttu jukki, jafnvel PIP iðnaðarpúðarnir eru minna áhyggjuefni.

Ísland er með síðustu þjóðum til að lögleiða merkingar á erfðabreyttu hráefni, en þó með fáránlega háum þröskuldi, því ekki þarf að merkja vörur sem innihalda um það bil 1% af erfðabreyttu hráefni.  Ef sama gilti um aspartam eða msg, þá þyrfti enginn að merkja þær vörur.  En þó eru áreiðanlega margar vörur á markaðinum hér á Íslandi sem innihalda meira en 0.9% af erðabreyttu hráefni og ættu að vera merktar.

Nýlega afhentu forsvarsmenn átaksins “Just Label It!” matvæla og lyfjaeftirlitsstofnun Bandaríkjanna (FDA) yfir eina milljón undirskrifta með áskorun um að krefjast merkingar á erfðabreyttum matvælum.  Stofnunin dregur lappirnar, enda ljóst að hún dregur taum hagsmunaaðila, annarra en almennings í þessu máli sem og fleirum.  Við höfum loksins okkar lög, nú þurfu við að krefjast þess að þeim sé framfylgt.

Það er fjöldi fólks sem vill velja hollar matvörur, það sanna lífrænu vörurnar sem fást meira að segja í lágvörubúðunum í talsverðu úrvali.  Það er aftur erfiðara að sneiða alveg hjá óþverranum, því sumt þurfum við að velja úr flokki ólífrænna vara og þar eru innihaldsefnin mörg og erfitt að vita hvað er í lagi og hvað ekki.

Er E651 í lagi?  Hvað er þetta autolyzed plant protein?  Er erfðabreytt hráefni í Cheerios?  Eru 2 krabbameinsvaldandi efni í karamellulitnum í kók og pepsí?  Það er sannarlega nóg að gera fyrir fólk sem vill geta keypt unnar vörur en samt sneytt hjá þeim allra verstu.  Svo breytist þetta, einn daginn er Mix gamla góða Mixið, svo allt í einu, án þess að láta nokkurn vita, þá er uppskriftinni breytt og Aspartam notað að hluta í stað sykurs.  Neytendur föttuðu það fljótt, gamla góða bragðið var farið og eitthvað rammt ógeð komið í staðinn.  En í sumum vörum er innihaldsefnum breytt án þess að við tökum eftir því og það sem áður var í lagi er nú saltað með msg og sætt með aspartami, auk þess sem erfðabreytt hráefni fékkst á útsölu.

Væri ekki gott ef einhver fylgdist með þessu öllu saman og héldi utan um miðlægan vörugagnagrunn, og svo gætum við snúið vopnunum í höndum tæknimafíunnar og skannað strikamerkin til að sjá hvort varan sé í lagi eða ei?

Góðar fréttir!  Þessi grunnur og þessi hugbúnaður er til.  Hann keyrir á iPhone en líka á iPod touch og iPad.  Hvað kostar svona græja?  Fyrir mig kostar hún 503 dollara, það er að segja, 500 fyrir iPad og 3 fyrir forritið.  Ef þú átt Apple smátölvu, þá kostar þetta aðeins 3 dollara.

Í upphafi einkatölvualdar var talað um “killer app”, eða forritið sem seldi tölvurnar.  Fyrir Apple II var þetta Multiplan.  Ég held að IBM PC hafi fyrst selst út á Word Star.  Apple Lísa átti aldrei killer app og í darwinskum heimi markaðarins dó hún út.  I-dótið þarf ekki Killer app – Apple hefur tekist að ná sinni sérstöðu með þessi tæki sín.  En þetta gæti orðið ný tegund af Killer app.

Killer app sem ræður úrslitum fyrir vörutegundir, mun varan fljóta hjá neytendum eða ekki?  Koma upp rauðu merkin fyrir eiturefni, eða grænu merkin fyrir góða vöru?  Ef neytendur nýta sér tæknina, þá mun samtakamátturinn loksins koma í ljós, óþverrin mun visna upp og deyja út, erfðabreyttu býlin leggjast af, en góðar vörur og heilbrigðar blómstra.

http://www.nextnutrio.com/

Þegar ég keypti Toyota bílinn minn hjá Toyota á Íslandi  sumarið 2007 var mér lofað að ég gæti alltaf komið með hann og sett upp í nýjan bíl.  Þessu bulli trúði ég eins og nýfermdur álfur með fangið fullt af gjöfum.  Nú fjórum árum seinna stendur mér til boða að láta bílinn upp í á krónur 1.800.000 sem hljómar mjög vel.  En það er bara einn galli eða tveir.

Það er raki í skottinu eftir golfsettið -100.000.  Svo er rispa á stuðaranum og dæld á skottinu, mjög lítil dæld -300.000.  Dekkin eru slitin -150.000.  Bílastjórasætið er meira notað en farþegasætin – 150.000.  Miðstöðin kælir illa -300.000.  Nýr lykill 20.000.  Golfmottur 50.000.  Nýtt þokuljós 50.000.  Olíupakkning 25.000.  Hvarfakútur 160.000.  Gúmilisti á sóllúgu illa farinn og tveir ryðblettir sem þarf að laga 90.000.  Þjónustubók ekki rétt útfyllt -50.000.  Olíuskipti -50.000.  Prumpufíla og bílaþrif -50.000.

Jæja, gallarnir eru fleiri en tveir en þegar búið var að meta ástand bílsins sagði sölumaðurinn við mig.  Góðar fréttir!  Við skulum henda honum frítt fyrir þig á haugana og selja þér nýjan bíl á sérstöku tilboðsverði sem þú getur séð í verðlistanum.  Tilboðsverð og góðar fréttir hugsaði ég meðan sölumaðurinn lét dæluna ganga um einstaka eiginleika Toyota og frábæra þjónustu.

Daginn eftir fór ég aftur í heimsókn og talaði við sölustjórann.  Sá var nú ekki beint ánægður að sjá mig enda með það á hreinu að ég ætlaði ekki að kaupa neitt.  Því miður þá er þetta bara svona.  Bíllinn þinn er mjög erfiður í endursölu og við viljum alls ekki fá hann inn til okkar.  Málið dautt.

Ég talaði síðan við kunningja minn sem þekkir til hjá Toyota.  Samkvæmt honum þá er fyrirtækið að halda uppi verðum á notuðum bílum.  Bílinn minn yrði aldrei keyptur á því verði sem Toyota vildi til að rugla ekki “kerfinu”.  Allir notaðir bílar sem Toyota selur eru því á of háu verði og minn bíll alveg sérstaklega.  Það er því best að láta suma Toyota bíla eiga sig og alls ekki taka mark á sölumönnum yfirhöfuð.

Fyrirtæki sem hafa áhugalaust starfsfólk eru yfirleitt með lélega þjónustu.  Ætli þau sé ekki bara alltaf með lélega þjónustu.  Raftækjaverslunin Expert kemur upp í hugann.  Þegar ég bað um þjónustu var bókstaflega hlegið að mér.  Ekki einn sölumaður heldur allir sex.  Skellihlógu og báðu mig vinsamlegast að vera úti því tölvugaurinn væri veikur.  Svo héldu þeir áfram að spjalla um helgarfylliríið.  Nokkrum mánuðum seinna lokaði búðin.

Bílaumboðið Hekla fellur í þennan flokk a.m.k. söludeildin.  Undanfarna daga hef ég heimsótt flest bílaumboð landsins og fengið virkilega góða þjónustu.  Sölumennirnir almennilegir og allir tilbúnir að spjalla og gefa smá afslætti.  En ekki í Heklu.  Þar var komið fram við mig eins og ebóla veiru á sterum.  Enginn vildi tala við mig þegar ég skoðaði Volkswagen druslunar.  Ekki góðan daginn, ekki einu sinni drullaðu þér út.  Ég reyndi að gera mig sýnilegan, veifaði sölumanninum, opnaði og lokaði hurðum.  Samt var ég eini “viðskipavinurinn” þarna.

Fyrst hélt ég að þessi starfsmaður Heklu væri bara upptekinn í tölvunni.  Hann væri að klára eitthvað og síðan fengi ég smá athygli.  Sú von varð að engu þegar félagi hans mætti og fékk sér sæti og byrjaði að spjalla um daginn og veginn.  Ég bókstaflega heyrði allt enda aðeins 3 metra í burtu.  Eftir 10 mínútur fór félaginn en það breytti engu.  Ég fékk enga athygli þrátt fyrir að halda áfram að opna og loka hurðum eins og andsetinn ríkisstarfsmaður í sumarleyfi.  Ekki einu sinni komdu þér út eða á ég að hringja á lögregluna. Aðeins grafarþögn og stingandi augnráð á tölvuskjáinn.

Næst hrindi sölumaðurinn í eiginkonuna eða gamlan frænda í kvennlegri kantinum og byrjaði að spjalla um verðlagningu fyrirtækisins á bílum og afslætti.  Bílarnir ættu sko að vera miklu dýrari og Íslendingar væru algjörir asnar að fatta það ekki.  Svo bætti þessi frábæri sölumaður því við hversu heppnir eigendur fyrirtækisins væru að hafa hann og alla félaga hans á launaskrá.  Svona upp á grínið prófaði ég að hringja í Heklu og fá að tala við sölumann.  Það gekk hins vegar eins og í sögu.

Hvað viltu kaupa marga bíla af okkur? Var nánast fyrsta spurningin og endilega komdu í prufuakstur og ég skal gera þér tilboð sem þú getur ekki hafnað.  Þegar ég upplýsti að ég væri í húsinu kom smá þögn og siðan skringilegt “Öööö, allt í lagi”.  Svo fékk ég fína þjónustu og ekkert vandamál að prófa bílinn sem ég vildi.  Þegar ég sagðist hafa gleymt ökuskirteininu heima var það bara ekkert vandamál heldur.  Nafn, kennitala og símanúmer og síðan hérna eru lyklarnir.

Ég þakkaði fyrir og fór síðan yfir í Skoda deildina.  Þar fékk ég fína þjónustu alveg þangað til ég gat ekki framvísað ökuskirteininu.  Því miður fær engin að keyra bílana okkar nema sýna ökuskirteini var svarið.  Gott og gilt svar hugsaði ég en svo bætti hann við.  Þetta er ekkert persónulegt heldur get ég ekki treyst því að þú sért með bílpróf og megir keyra bíla.  Æ, hugsaði ég, ekkert persónulegt.  Þá hefði þú bara átt að þegja.  Eru margir í bílahugleiðingum sem ekki hafa bílpróf?

Jú, það reyndist vera svo.  Sölumaður Skóda ljóta hafði nefnilega einu sinni lánað ungum dópista bíl sem ekki var með bílpróf.  Sá hafði víst lent í einhverju veseni á bílnum en engu tjóni.  Ég þakkaði manninum síðan mjög pent fyrir þessa ópersónulegu þjónstu og kvaddi.