Smiley face

Heimilin koma jafn skemmd úr frostinu

Höfundur Gullvagninn þann . Flokkur Einkavinavæðing og ríkisvæðing skulda, Innlendar fréttir

„Frysting lána hefur ekki gagnast neinum í sjálfu sér og bara gert málin verri,“ segir Sigurður Erlingsson, forstjóri Íbúðalánasjóðs.

Frysting lána þýðir að ekki er greitt af lánum á frystingartímabilinu. Höfuðstóll lánanna heldur hins vegar áfram að hækka. „Þegar þessu tímabili lýkur er skuldastaðan orðin verri, nettóeignastaðan orðin mun verri og greiðslubyrðin orðin mun þyngri. Aðstæður þeirra sem fara í frystingu hefðu þurft að batna umtalsvert mikið til að menn geti ráðið við lánin eftir frystingu. Það hefur yfirleitt ekki gerst,“ segir Sigurður.

Sigurður segir þó 110% leiðina hafa gagnast “mörgum”.  „Það er ljóst að margir hafa notað þessa leið til að minnka við sig eign, selja eða fara í leiguhúsnæði. Þetta hefur því nýst mörgum.“

Pressan segir í grein frá því fyrir ári síðan að aðeins 650 heimili hafi komist úr greiðsluvanda við þær aðgerðir.  20% afskriftir verðtryggðra lána hefðu hinsvegar losað 7.400 heimili úr greiðsluvanda og önnur 7.400 heimili úr skuldavanda, en skuldavandi er það væntanlega þegar skuldirnar eru vandræðalega háar og vaxandi þrátt fyrir að greitt sé af þeim, með öðrum orðum, sú staða sem flest heimili með verðtryggð lán eru eiga við að etja í dag.

Ljóst er að bæði 110% leiðin og frystingin voru gerviaðgerðir sem nánast engum gagnast.  Lyklafrumvarpið hennar Lilju Móses hefði hinsvegar orðið gríðarleg hvatning fyrir banka og fjármálahræætur til að semja á sanngjarnan hátt við þá sem hafa lent í fjármálabrotsjó þeim sem bankar og fjármálahræætur eru ábyrgar fyrir að reið yfir þjóðina.  Með lyklafrumvarpinu er ábyrgð bankanna á því að veita ekki undirmálslán gerð virk.  Ef þeir lána, þá hafa þeir nákvæmlega þau veð sem tekin eru, ekkert annað.  Þeir geta ekki neitt fólk til að sitja í yfirveðsettum eignum með stökkbreytt lán, eða selja og taka skuldir með sér út úr búinu.  110% leiðin er hlægileg í samanburði, enda engin ástæða fyrir fólk að axla 10% yfirveðsetningu ef það getur bara skilað eigninni til bankans og byrjað aftur á núlli.

 

„Frysting lána var gagnslaus“

110 prósent leiðin var klúður – Einungis 650 heimili komust úr greiðsluvanda

 

meira

Of flókið að kjósa rétt

Höfundur Gullvagninn þann . Flokkur Stjórnmál

Þrír ungir menn söfnuðu stefnumálum flokkanna á eina vefsíðu í því markmiði að unga fólkið gæti ‘appað’ kosningarnar með nokkrum strokum á spjaldtölvu eða farsíma sína.  Þeir fengu svo milljóna króna kynningu með margra mínútna fréttainnslagi í aðalfréttatíma sjónvarpsins í síðstu viku.

Þeir Kristján Ingi Mikaelsson, Ragnar Þór Valgeirsson og Ásgeir Vísir segja sjónvarpið úreldan miðil fyrir þá [þeirra aldurshóp] og að þessi hópur nenni ekki að horfa á fólk tala saman og takast á um málefni, heldur vilji bara lesa einhvern auglýsingatexta og velja það sem glansar best.

Framboð til Alþingis hafa aldrei verið fleiri. Kristján Ingi segir vefsíður stjórnmálaflokkanna ekki nógu aðgengilegar. „Það er leiðinlegt að lesa nokkrar blaðsíður um eitt stefnumál. Það nenna því mjög fáir allavega. VIð höfðum samband við alla flokkana og báðum þá um að senda okkur að hámarki 200 orð fyrir hvern málaflokk. Það var markmiðið hjá okkur að geta lesið einn málaflokk á nokkrum mínutum og fá þægilega yfirsýn yfir hvað flokkurinn vill og geta borið það saman við aðra flokka.“

Hugmynd þeirra drengja er góð og gild, en með útfærslunni fellur hún um sjálfa sig.  Það er góð hugmynd að draga saman og einfalda alla orðræðuna.  Stjórnmálamenn eru oft nefndir “atvinnulygarar” vegna þess hversu liðlega þeim hefur tekist að beita nútíma fjölmiðlum fyrir áróðursvagn sinn og virðast allir meira og minna hafa hlotið herþjálfun í spunalistinni, þar sem hvaða spurningu sem er má henda á lofti og snúa þannig að þeir geti talað fagurgala um sjálfa sig og flokkinn.  Það hjálpar svo til að “fréttamenn” nútímans leggja ekki í að véfengja nokkuð sem fellur af vörum þessara hálfguða, nema það séu föllnu englarnir, olnbogabörnin á þingi, svo sem Birgitta og félagar eða kannski Árni Johnsen, eftir að veiðileyfi var gefið út á hann í kjölfar þess að hann beitti skapandi launauppgjöri vegna hálfgerðrar sjálfboðavinnu við samfélagsmál.

Grunnhugmyndin var sem sé góð, að sjóða burtu bullið og gefa fólki sem nennir ekki að hugsa sjálfstætt um þessi grundvallarmál samfélagins samt tækifæri til að mynda sér einhverja skoðun um hvernig best sé að beita kosningarétti sínum.

Gallinn í útfærslunni liggur hinsvegar í því að birta ómeðhöndlaðar glansmyndir þessara flokka sem raunverulegan stórasannleik um stefnuna.  Það er í lagi að taka við styttum yfirlýsingum þeirra sem inntak í ferlið, en það sem vantar er túlkur á bullið.  Tökum hér lítið dæmi, glansmynd Bjartrar framtíðar á stefnu flokksins í skuldamálum heimilanna.

Söfnuðu stefnumálum flokkanna á einn stað

Kjóstu rétt

 

Flokkur

Túlkuð stefna

Frumgögn

Björt Framtíð

Við viljum svæfa allar hugmyndir í nefnd og gera ekkert næstu 4 árin, nema ganga í ESB.  Evran kemur svo einhverntíma og eins og sjá má í löndum eins og Grikklandi, Kýpur, Írlandi og Ítalíu, þá lagast allt af sjálfu sér bara með því að hafa öðruvísi útlit á peningaseðlunum.

Þar til stöðugri gjaldmiðill býðst… Við viljum skoða allar hugmyndir… Við viljum meina að þar skipti stöðugri gjaldmiðill meginmáli… (lesa allt bullið)

 

 

meira

Andríkisgellan Kata

Höfundur Gullvagninn þann . Flokkur Grasrótin

Í Bandaríkjunum eiga frjálshyggjumenn ekki samleið með Sjálfstæðisflokknum þar í landi sem nefnist Republicans, eða Lýðveldisflokkurinn.  Þeir eru einn af smáflokkunum sem ná sjaldan í feitar stöður, þó undantekningar séu vissulega til og frjálshyggjuflokkurinn í sókn um þessar mundir.

Þeir eru því ekki “stuttbuxnastrákar” eða pabbastrákar, synir ættarvelda eða heildsala, fæddir með gullskeið í kjaftinum sem ærslast í bloggskrifum fyrir Andríki þar til þeir gerast atvinnupólitíkusar eins og Bjarni Ben, þar sem völd skipta meira máli en hugsjónir.  Þvert á móti er pláss fyrir stuttpilsastelpur eins og hana Cathy sem gerir skemmtileg fjrálshyggjumyndbönd og setur á youtube.

meira

Ísland fyrirmynd ESB í vasknum

Höfundur Gullvagninn þann . Flokkur Ísland

Bjarni Ben greip til gamals skrums til að reyna að véla kjósendur í umræðuþætti RÚV í gær.  Hann sagði virðisaukaskatt hér þann hæsta í heimi og gaf þar með í skin að Sjálfstæðisflokkurinn myndi allt í einu núna fara að grípa til skattalækkana á vsk, þó saga þeirra sýni ekki mikið frumvkæði í þeim flokki þegar þeir hafa setið í stjórn.

Staðreyndin er því miður sú, að virðisaukaskattaprósenta hér er ekki lengur neitt sérstök.  Hún er örlítið hærri en hjá flestum nágrönnum okkar.  Ekkert sem skiptir máli.

Það er af sem áður var, þegar virðisaukaskattur Íslands var ótrúlega hár miðað við aðrar Evrópuþjóðir.  Bretland byrjaði með 8-12.5% vsk, sem hækkaði fljótlega í 15% og svo í 17,5% 1991 og hélst þar lengi vel.  Nú er hann 20%, var hækkaður 2011.

Danmörk byrjaði með 9% virðisaukaskatt.  Nú er hann 25%.  Þýskaland 10%, nú 19%.  Ítalía 12, nú 20%.

Svíþjóð og Danmörk hafa 25% vsk, Finnland og fjölmargar aðrar ESB þjóðir 24%.  Ungverjaland (ESB ríki) hefur svo tekið forystuna í heiminum og heimtar 27% vsk af sínum skattgripum.

Okkar virðisaukaskattur upp á 25,5% er því ekkert sérstakur innan ESB.  Lönd eins og Japan (5%) og Swiss (8%) hafa lægri virðisaukaskattsprósetntu.  En við vorum í fararbroddi, frumvkæði sem gráðugir ríkiskassar ESB sóttust eftir að fylgja og gerðu það svo.

Það er allavega ljóst að við inngöngu í ESB verður enginn þrýstingur á íslensk stjórnvöld að lækka virðisaukaskattprósentuna.  Kannski yrðum við bara frekara fordæmi um hvernig hægt er að kúga skattfénaðinn.  Til dæmis gætum við kennt ESB að lána heimilunum verðtryggð lán.  Það er svikamylla sem hefur gengið hér í áratugi, gæti örugglega einnig gengið í ESB.

 

meira

Innlendar fréttir

Erlendar fréttir

Skrípó