Það sem við gerum á internetinu er í vaxandi mæli tengt við önnur gögn sem til eru um okkur.  Mikið af okkar daglega lífi tengist á einhvern hátt tölvum og tölvur framleiða gögn.  Öllu er safnað og munstur greind og mörg stórfyrirtæki græða peninga á því að halda möppur um okkur og einkamál okkar frá fjölmörgum uppsprettum.

Þetta segir Bruce Schneier í grein sem birtist á CNN þann 16. mars.  Bruce er tölvuöryggisfræðingur og meðal annars höfundur ýmissa dulkóðunaralgríma.

Velkomin í heim þar sem Google veit nákvæmlega hvers konar klám er þitt uppáhald.  Google veit sennilega líka meira um áhugamál þín almennt en makinn.  Símafyrirtækið þitt veit alltaf hvar þú ert.  Prívatsamtöl heyra nánast sögunni til, því samtöl eiga sér í vaxandi mæli stað með tölvupósti, smáskilaboðum og á samfélagsvefum.

Velkomin á internet þar sem engin einkamál þekkjast, og við enduðum hér án þess að lyfta fingri til varnar.

The Internet is a surveillance state

Þorsteinn Gylfason segir frá gamlensku og nýlensku í stuttri grein sem birtist 17. desember 1983 í DV.

2012 in Review: State Surveillance Around the Globe

Í framtíðarmyndinni Minority Report sáum við hvernig persónumiðaðar auglýsingar gætu virkað, en þegar Tom Cruise gengur framhjá auglýsingaskjám, þá birtast þar auglýsingar sem sértaklega eru ætlaðar honum.

Þessi framtíðarsýn gæti ræst fyrr en varir.  Nánast allt er til staðar, bara eftir að tengja það.

Mappan þín

Í gömlu Sovétalþýðudraumaríkjunum héldu eftirlitsstofnanir eins og Stasí utan um “möppuna” þína.  Þar var upplýsingum um þig safnað af kostgæfni, frá opinberum heimildum (skólaganga, sjúkrasaga, sakaskrá  og svo framvegis) og svo auðvitað frá öllum uppljóstrurunum, en stór hluti austur-þýsku þjóðarinnar náði sér í aukaskilding með því að njósna um fjölskyldu, vini eða bara óvarfærið fólk úti á bar eða í búð.

Auk staðreynda var yfirlitssíða í möppunni, nokkurs konar mat á þér, það sem kallað er “sækólogíkal profile” í nýju lögguþáttunum, þar sem slíkt er gert fyrir ýmsa aðila, ekki bara fjöldamorðingja.

Google er sennilega duglegast í nútímanum við að halda sjálfvirkar “möppur” um fólk og fénað.  Fyrirtækið fylgist með leitum þínum á internetinu og áhugamálum í gegn um leitarvél, heimsóknasögu og póstumsýslukerfi sitt.  Þeir hlusta meira að segja með hljóðnemum og fylgjast með þér í gegn um myndavélar þeirra tölva eða smátækja sem hugbúnaður þeirra keyrir á.  Allt er þetta “sjálfvirkt”, í gegn um þróaðar tölvulausnir sem hlusta eftir lykilorðum eða lynkilmynstrum í myndefni, en ekkert hindrar þá í að nálgast frumgögnin ef þeir vilja gerast persónulegir.

Sérsniðnar auglýsingar

Google fjármagnar persónunjósnir sínar með því að selja auglýsingar til markhópa.  Þær eru svo markvissar af því að Google þekkir okkur svo vel.  Þessar auglýsingar birtast nú þegar meðan við notum netið, á hinum ýmsu vefsíðum, til dæmis Youtube og Facebook.

Staðsetning út frá snjallsímum, eða auðkenningu

Þá vantar bara að geta staðsett þig í raunheimum til að samskonar auglýsingar og Tom Cruise sýndi okkur í Minority Report geti orðið að veruleika.

Það frekar lítið mál nú orðið.  Eigendur i-padda og i-fóna og annarra nýrra smátækja er auðvelt að staðsetja, þau innihalda ýmsan staðsetningarbúnað, svo sem gps, auk þess sem hægt er að finna þá út frá þeim þráðlausu netpunktum sem eru í notkun af tækinu.  Ef tækið er í nálægð við auglýsingaskilti, þá er eigandinn væntanlega skammt undan.

Myndgreiningu hefur fleygt fram upp á síðkastið og heilu gagnagrunnarnir með auðkennislykkum byggðum á lífkennum hafa verið byggðir.  Ef auglýsingaskiltið er útbúið með myndavél, þá getur það jafnvel auðkennt þig nógu hratt til að birta sérhannaða auglýsingu meðan þú gengur framhjá því.

Þægilegi Stasí þjónustufulltrúinn

Þetta er allt gott og gilt meðan hreinar og ómengaðar græðgishvatir (auglýsingar) liggja á bak við þessa “þjónustu”.  En mikið virðist fólk hafa breyst á aðeins tuttugu árum eða svo, því þá voru ofsóknir ríkja gegn borgurum (nasismi, kommúnismi o.þ.h.) svo ofarlega í hugum margra, að erfitt var að fá samþykki fyrir ljósmyndum á ökuskírteinum.

Nú virðist flestum sama þó ríkið viti af staðstetningu okkar alla daga og alla tíma, með nákvæmni sem nálgast fáeina sentimetra.

New Microchip Knows Your Location To Within Centimeters

Næsta kynslóð ómannaðra eftirlits- og árásarflugfara verður kjarnorkuknúin.  Það mun lengja flugþol þeirra úr nokkrum klukkustundum yfir í nokkra mánuði. 

Þessar breytingar hafa þónokkra kosti fyrir heimsveldið.  Það þarf ekki að gera þjarkana út úr nágrenni vígvallarins, heldur má senda þá af stað frá vinveittum löndum, jafnvel frá Bandaríkjunum sjálfum og svo sveima þeir mánuðum saman yfir hinum ýmsu eftirlitsvettvöngum.

Þeir geta þá einnig borið meira af vopnum og jafnvel er talað um að vopna þá með kjarnavopnum.

Svo má senda þessa engla út um allar jarðir, við gætum jafnvel haft einn eða tvo sveimandi yfir Íslandi að njósna um okkur, þó það sé enginn beis hér lengur.

Þetta eru sko verkfæri hinna nýju tíma, hinnu nýju harðstjóra sem hafa tekið sér vald til að dæma menn einhliða  sem “óvinveitta vígamenn” og taka þá af lífi, jafnt á stríðssvæðum sem og í vinveittum löndum og jafnvel í Heimalandinu sjálfu.

Mannréttindasamtökin ACLU kvaka mjóróma og segja, “Við viljum ekki þurfa að óttast í hvert sinn sem við stígum út fyrir dyr hvort auga fylgist með hverri okkur hreyfingu af himnum ofan.”

Í kalda stríðinu hafði Ísland þá stefnu gagnvart verndurunum að þeir ættu ekki að vera með kjarnorkuvopn á landinu.  Við höfum einnig þá þrælslegu stefnu að hafa ekkert eftirlit með því að vilji okkar væri virtur.  Svona eftirlitsþjarkar, knúnir af litlum kjarnaofni og ef til vill vopnaðir kjarnavopnum eru engin gleðitíðindi, til dæmis ef þeir hrapa og valda geislamengun í kring um brakið.

http://www.infowars.com/next-phase-of-the-surveillance-state-nuclear-powered-drones/

Patraeus forstjóri skemmtir sér í WII-golfi, mynd Wikimedia.

Fleiri og fleiri heimilistæki og smátæki eru tengd internetinu, allt frá sjónvarpinu og leiðsögutækinu í bílnum til ljósarofa, og Davíð Patraeus forstjóri CIA iðar í skinninu af tilhugsuninni um allar þær upplýsingar sem þessi tæki geta fært honum og hans stofnun.

Forstjórinn hélt dálitla tölu á ráðstefnu In-Q-Tel, fjárfestingafélags njósnastofnunarinnar, og sagði þá meðal annars að orðið “byltingarkennt” sé ofnotað, en hann trúi því einlæglega að það eigi vel við um þetta svið tækninnar, “sérstaklega þegar kemur að áhrifum þess á njósnaiðnaðinn.”

Öll þessi nýju tæki eru gullnáma fyrir njósnasamfélagið þegar kemur að upplýsingaöflun um “áhugaverða einstaklinga”, persons of interest.  Einu sinni þurftu njósnarar að lauma hljóðnema í ljósakrónur til að hlera þig, en með tilkomu “snjallheimila,” þá getur njósnastofnun til dæmis gripið inn í gagnasendingar milli ljósastýringa og snjallsímans þíns.
http://www.wired.com/dangerroom/2012/03/petraeus-tv-remote/