Bóluþvingunin – þýsk-íslenskt framtak

Höfundur Gullvagninn þann 09/05/2013. Flokkur Bóluefni, Bækur og myndir, Heilbrigðismál

Fólkið sem stóð að baki útgáfu M&A, notendadrefiða jaðarmiðlinum Mælt og Andmælt, hefur þýtt og talsett þýsku heimildarmyndina “Impf-Zwang” eftir Jürgen Meyer.

Það er mjög gaman að sjá hvernig ekki er hægt að afgreiða viðhorf sem birtast á Kryppu sem “bandarískar öfgar”, heldur eru samskonar áhyggjur algengar meðal allra þjóða og tengjast ekki steríótýpískum ímyndum bandarískra sveitadurga eða kúreka. Það ætti að vera augljóst, en flestir falla í þá gryfju að stimpla fólk með þægilegum steríótýpustimplum, svo sem “samsæriskenningasmiðir”, “hægri öfgamenn”, “kommúnistar”, “klikkhausar” eða álíka.

Í myndinni bergmála sömu fréttir, sömu viðhorf og sömu rök sem Kryppan hefur haldið á lofti frá enskumælandi uppsprettum, en framsett á fágaðann, evrópskan hátt. Þessi framsetning á örugglega betur við mjög marga Íslendinga heldur en sú “in your face” framsetning sem gjarna er notuð og vísað í hér á Kryppu.

meira

Nútíminn var þekktur árið 1966

Höfundur Gullvagninn þann 26/01/2013. Flokkur Bækur og myndir, Fólk

Árið er 1966. Fyrsti þáttur Star Trek seríunnar er frumsýndur. Þar gefur að líta undur og stórmerki. Bjrálaður vísindaskáldskapur. Eða predictive programming?

Alan Watt er skemmtilegur spekingur sem heldur úti bráðskemmtilegum og fróðlegum útvarpsþáttum, Cutting Through The Matirx, sem nálgast má á netinu. Hann hefur margoft endurtekið að tækniframfarir séu hjúpaðar í þremur lögum. Það sem við sjáum er ysta lagið. Svo eru leynilegar rannsóknir sem eru kannski 10-20 ár á undan tímanum. En í innsta hring er tækni sem er áratugum á undan samtíðinni. Þar sitja reglubræðurnir og ylja sér við þá vissu að þekking veiti völd. Þeir stýra því hvað fer út í ytri lögin, og hverju er haldið eftir. Reglan er að það sem almenningur fær má ekki ógna stöðu þeirra, og ekkert fer út fyrir innsta hring, nema það þjóni tilgangi.

Hugmyndin með internetinu var til dæmis að hægt væri að safna svo miklum upplýsingum um fólkið með þvi að láta það hafa netið. Það gekk eftir. En reyndist tvíeggjað sverð, því fólkið hefur notað netið óspart til að miðla upplýsingum sín á milli, án ritskoðunar og matreiðslu kerfisins.

George Orwell, Aldous Huxley, Orson Welles, Robert Heinlein – þessir menn og fleiri voru ekki endilega með svona svakalega frjótt ímyndunarafl, þeir fengu bara aðgang að því hvað væri á leiðinni. Upplýsingar úr innsta hring. Til hvers? Það nefnist predictive programming og felst í því að sýna fólki framtíðina í skáldsagnastíl. Það liðkar til fyrir nýjum hygmyndum og varnir fólks verða veikari. Við óttumst ekki það sem við þekkjum, og ef við höfum séð það í skáldskap eða Hollywood, þá er leiðin greið.

Hér er skemmtilegt myndband sem sýnir hvernig 9 brjálæðislega framtíðarlegir hlutir fyrir árið 1966 eru kunnuglegir í dag. Sumir bara nýlega. Sumt er ekki komið fram, en fræðasamfélagið farið að tala um. Til dæmis hvernig hugsanlega sé hægt að flytja fólk milli staða með skammtaeðlisfræði. Það var líka í Star Trek. Þar sendu þeir áhafnarmeðlimi niður á plánetur af sporbaug með einhvers konar geislun, þar sem líkami fólksins var leystur upp, fluttur sem upplýsingar og raðað saman á áfangastað.

Þess vegna segir Alan Watt, eru rannsóknir nefndar rannsóknir. Á ensku, re-search. Leita aftur. Vegna þess að þessir hlutir eru fundnir. Bara verið að mjaka þeim út í ytri lög þekkingarinnar.

Hér eru þessi 9 atriði sem við þekkjum í dag en voru kynnt til sögunnar árið 1966.

Rennihurðir

Einkatölvur (PC)

Risastórir flatskjáir

Minnislyklar

Farsímar með reiknigetu (snjallsímar)

Handfrjáls búnaður

Spjaldtölvur

Greining (njósnir) frá sporbaug og staðsetningartækni

Lífkenni (auðkenning með fingraförum, augnskanni)

Star Trek Was RAND Corporation Predictive Programming

Alan Watt – Cutting Through the Matrix

starrand

meira

Leyndardómar World War Z

Höfundur Gullvagninn þann 20/01/2013. Flokkur Bækur og myndir

World War Z: An Oral History of the Zombie War eftir Max Brooks er hrollvekja sem gerist eftir hamfarastríð. Bókin er gefin út 2006 og er framhald af bók hans frá 2003, The Zombie Survival Guide.

Alex Jóns greinir boðskap þessa bókaflokks og hann er sá að mannkynið sé ljótt og því eigi að útrýma. Þeir sem eru svo heppnir að fá pláss innan múra þéttbýlla alræðisborga (þema sem víða má sjá í framtíðarmyndum, svo sem Judge Dredge, Hunger Games og fleiri), eiga ekki að kvarta, heldur þakka fyrir og prísa sig sæla. Allt annað fólk eru “uppvakingar”.

Kjarninn í boðskapnum, Sameinuðu þjóðirnar eru frelsarinn, mannkyn óvinurinn. Aðeins ríki á heimsvísu getur bjargað okkur frá uppvakningaviðbjóðnum (venjulega fólkinu).

meira

Börn iða af lífi

Höfundur Gullvagninn þann 07/04/2012. Flokkur Bækur og myndir

Toshiro Kanamori kennir fjórða bekk í Kanazawa, norðvestur af Tókíó, en með reikningi og öðrum hefðbundum fögum, þá kennir hann þeim einnig að lifa hamingjusömu lífi með því að hafa samúð með fólkinu í kring um sig.

Þetta er frábær heimildarmynd sem kemur okkur í páskaskap, og kannski getum við lært eitthvað í leiðinni.

meira

Opinberanir í Prometheus

Höfundur Gullvagninn þann 31/03/2012. Flokkur Bækur og myndir

Kvikmyndin Prometheus frá leikstjóranum Ridley Scott er væntanleg í kvikmyndahúsin 8. júní næstkomandi. Promotheus er forsaga Alien myndaflokksins frá sama leikstjóra.

En um hvað fjallar Promotheus? Söguþráðurinn er opinberun á áformum elítunnar á jörðinni og trúarbrögðum, sem miða að því að þeir verði að guðum og ferðist um geiminn.

Skemmtileg greining á kvikmyndinni gerð af Alex Jóns og félögum.