Bechtel hið bölvaða

Stórfyrirtæki borga milljónir dollara til verkefna í almannatengslum svo að viðskiptavinir tengi vörumerki þeirra við hlýjar og ánægjulegar tilfinningar. Það er áríðandi að fela sálarlaust og í eðli sínu gráðugt eðli stórfyrirtækisins á bak við fjölskylduvæna framhlið.  En sum fyrirtæki gefa bara skít í það.  Þau hata þig og fjölskyldu þína og sérstaklega köttinn þinn, og þeim er alveg sama þó þú vitir það.  Þessi fyrirtæki skarta meira að segja illsku sinni í merkjum sínum.  Hér á eftir er listi Árvökula borgarans yfir 5 verstu merkin.

#5 – Alfa Romeo – lesa

#4 – Vodafone – lesa

#3 – Council on Foreign Relations – lesa

#2 – Bechtel

Ekki þarf að kafa niður í dulspekilega táknfræði til að skilja þetta merki.  Það er bara algerlega blygðunarlaust og ögrandi opinskátt.  Það líkist merkjum skálkanna í teiknimyndunum á laugardagsmorgnum.  Af hverju eru höfin rauð í merkinu?  Eru þau uppfull af blóði hinna saklausu, eða eitthvað í þeim dúr?  Ég meina, hvað eigum við eiginlega að hugsa?  Og af hverju eru heimsálfurnar gráar?  Er búið að steypa yfir allt yfirborð þeirra?  Mér finnst það sérstaklega flott hvernig ‘Bechtel’ er stimplað yfir plánetuna, eins og verið sé að segja “við eigum þetta allt, drullastu í burtu af eign okkar.”  Ef þú þekkir ekki til þessa megastórfyrirtækis í byggingar og verkfræðigeiranum þá skaltu kynna þér það, því það er bókstaflega út um allan heim.

“Ill stórfyrirtæki” er klisja og svolítið pirrandi framsetning sem oft er notuð af hallærislegum vinstrimönnum.  En trúðu mér, það á við í þessu tilfelli.  Hér eru nokkur af þeim afrekum sem þessi mikla stofnun hefur áorkað (allar heimildir að þessum verkum eru af Wikipedia):

Að stela vatni frá fátæka fólkinu:

Mál Bechtel gegn Bólivíu er önnur hrina í baráttunni um grunnatriði: Vatn.  Fyrir tveim árum tók Bechtel yfir opinber vatnsveitukerfi í þriðju stærstu borg Bolivíu, Cochabamba, og innan nokkurra vikna hafði það hækkað taxtana um allt að 200 prósent, langt umfram greiðslugetu fjölskyldna á svæðinu.  Þegar fyrirtækið neitaði að lækka taxtana gerði fókið uppreisn.  Víðfeðm mótmæli neyddu Bechtel að lokum út.

Að byggja efnaverksmiðju fyrir Saddam Hussein:

Árið 1988, rétt eftir að Saddam Hussein hafði áunnið sér fordæmingu alþjóðasamfélagsins fyrir að nota eiturgas gegn þúsundum Kúrda, þá skrifaði Bechtel undir samninga við Írak um að byggja fyrir þá efnaverksmiðju.

Hagnast á falli Saddam Husseins

Gagnrýnendur bæði í Bandaríkjunum og hjá samherjum, svo sem Bretlandi, hafa sett fram athugasemdir varðandi það hvernig Bandaríkin hafa látið bandarísk fyrirtæki fá ábatasama samninga um verkefni í Írak.  Gróðinn af allri eyðileggingunni sem “shock-n-awe” herferðin olli í upphafi stríðsins varð til þess að Bechtel var orðað við hamfarakapitalisma.

Hagnast á fellibylnum Katrínu

Bectel var veittur samningur án útboðs árið 2005 af FEMA um að setja upp bráðabirgðahúsnæði fyrir hjálparstarfið vegna fellibylsins Katrínu.  Þessi aðgerð var gagnrýnd vegna þess að engin samkeppni var leyfð, auk þess sem kostnaður af verkefninu var hár og að smærri verktakar á svæðinu fengu lítið að njóta þessara verkefna.

Það eru fjölmörg dæmi í viðbót.  Kynnið ykkur einnig feril Bechtel í umhverfismálum.  Það gæti skýrt hvers vegna höfin eru rauð og jörðin grá í merki félagsins.

#1 – Procter and Gamble – lesa