Barnaperrar og kryppufólk í sömu skálinni

Ritskoðun í nafni baráttunnar gegn barnaklámi og betri heimi er málið.  Fyrir stuttu sögðum við frá nýjum lögum í Ástralíu sem gefa starfsfólki flugvalla leyfi til að leyta í öllum tölvum og farsímum af klámi.  Tilgangur laganna virðist aðallega vera að hrella komufarþega og venja þá við að kyssa vönd hinnar nýju heimsstjórnar.  En vinir okkar í Ástralíu láta sér ekki nægja þukl og klámleit á komufarþegum þeir hafa líka sett upp “klámsíu” á internetið.  Fleiri lönd hafa sett upp síur á internetið til að vernda þegna sína gegn klámi og öðrum dónaskap, auðvitað.  Þetta er fríður flokkur sem á fátt sameiginlegt nema viljann til að vernda þegna sína frá allskonar sora.  Norður Kórea, Finland, Kína, Danmörk, Tæland, Saudi Arabía, Svíþjóð og Búrma eru dæmi um svona lönd.

Norður Kórea er dæmi um land þar sem internetið er algjörlega ritskoðað.  Einungis forseti landsins má skoða dónasíður og Youtube.  Af 175 þjóðum er landið í 174 sæti yfir frelsi fjölmiðla samkvæmt lista samtaka fréttamanna án landamæra.  Þetta veldur þegnum landsins ekki sérstökum áhyggjum enda vita fæstir hvað tölvur og fjölmiðlar eru.

Þessu er öfugt farið í Suður Kóreu þar sem allir hafa aðgang að internetinu og tölvunotkun hvergi meiri.  En til að vera ekki minni menn en bræður þeirra í Norður Kóreu halda Suður Kóreu menn uppi ströngu eftirliti.  Sérstaklega þegar kemur að pólitík hverskonar og nafnlaus skrif eru bönnuð með öllu og til að skrifa á netið þarf sérstakt leyfi stjórnvalda.  Það þarf varla að taka fram að allt er þetta gert í nafni baráttunnar gegn klámi og með almannaheill í huga.

Frændur okkar í Finnlandi hafa líka mikinn áhuga á barnaklámi .  Þar hefur löggan samið lista yfir bannaðar síður sem mælst er til að þjónustuaðilar loki fyrir aðgang að.  Elisa, fyrirtækið sem Björgólfur Thor keypti, hefur verið duglegt að framfylgja listanum.  Nokkrir tölvunördar komust siðan að þvi að listinn inniheldur nánast ekkert barnaklám heldur aðalega löglegt klám sem hýst er í USA og ESB en þar er barnaklám líka bannað.  Einn helsti gagnrýnandi kerfisins fékk líka að fljót með á listann.  Svona til að almenningur yrði alveg öruggur fyrir barnakláminu.

Í Tælandi passa stjórnvöld upp á að þegnar landsins komist ekki í klámsíður eða fjárhættuspil gegnum netið.  Siðferði í Tælandi er nefnilega á svo háu stigi að öll gagnrýn ái stjórnvöld er bönnuð og eru ýmsar síður hjá BBC, Yahoo og CNN bannaðar af þeim sökum.  Þrátt fyrir ítrekuð mótmæli mannréttindahópa hafa stjórnvöld ekki séð ástæðu til að slaka á ritskoðunarstefnu sinni og bera við almannahagsmunum og barátunni gegn klámi.

lögum í Ástralíu er ætlað að koma í veg fyrir dreifingu og skoðun barnakláms, a.m.k. er það þeirra opinberi tilgangur.  En við nánari skoðun ýmissa aðila kom í ljós að flestar bannaðar síður innihalda löglegt efni.  Þ.e.a.s. þær innihalda ekkert barnaklám.  Síður sem innihalda gagnrýni á stjórnvöld eða fjalla um önnur eldheit mál á “vafasaman” hátt hafa verið ritskoðaðar í gegnum tíðina.  T.d. var síða sem innihélt grín afsökun frá þáverandi forsætisráðherra, John Howard, til frumbyggja fjarlægð.  En núverandi hugmyndir stjórnvalda um ritskoðun ganga miklu lengra en áður.  Í staðin fyrir að einstaka síður séu kærðar og teknar úr umferð eða síður erlendis blokkaðar.  Þá vilja stjórnvöld hafa eldvegg sem lokar á síður eftir geðþótta valdahafa og án eftirlits dómsstóla.

Ritskoðun er ekki nýtt fyrirbæri og hefur fylgt mannkyni eins lengi og ég man eftir.  Það að stjórnvöld dundi sér við að setja saman lista yfir síður sem almenningur má ekki sjá er samt tilefni til að spyrna við fótum.  Því þó að markmiðið sé göfugt, stöðva dreifingu barnakláms, þá verður niðurstaðan sú að á endan fær pólitísk gagnrýni að fljóta með.  Allt sem stjórnvöldum þykir óþægilegt verður flokkað með barnakláminu.