Lögreglan hefur lokað af götu við gróinn göngustíg í Reykjanesbæ. Við hús við enda götunnar er bíll með opnar hurðir og gulir plastborðar lögreglunnar teygja sig inn á útivistarsvæðið bak við húsið, í nokkur hundruð metra geisla. Lögreglumenn eru á verði og vísa fólki frá.
Blaðamaður Kryppu talaði við tvo lögreglumenn sem gættu sitthvors enda rannsóknarsvæðisins, en þeir gátu ekki sagt hvað gerst hefði. Annar sagði þó að verið væri að rannsaka “mjög alvarlega glæpi.”
Bjarnavellir eru fyrir miðri þessari mynd. Rannsóknin virtist beinast að húsinu næst græna svæðinu, númer 10, eða ef til vill húsinu við hliðina.
Nýtt (11:00): Vísir greinir frá því að maður hafi fundist látinn fyrir utan hús í Keflavík, og að talið sé að andlát hans hafi ekki borið að með eðlilegum hætti.
Myndir: Gullvagninn
Loading ...
“Að því er fram kemur á fréttavefnum Kryppa.com eru lögreglumenn á verði og vísa fólki frá. Blaðamaður talaði við tvo lögreglumenn sem gátu ekki sagt hvað gerst hafði. Annar þeirra sagði þó að verið væri að rannsaka „mjög alvarlega glæpi.“ Tilkynnt var um líkfundinn um sex leytið í morgun.”
http://www.dv.is/frettir/2010/5/8/likfundur-i-keflavik/
Heit umræða. Hvað finnst þér?
7